[A:160] brnyan mi tshad re re legs bzhengs kyi cha rkyen bskrun pa dang | nyid kyi gsung chos yang rtsis pod bzhi | 'jigs byed mngon rtogs | dur khrod bdag po | chos skyong sku lnga | dam can mgar nag | sha za hor mo sogs kyi bstod gsol las tshogs bcas yongs sdom glegs bam lnga lhag tsam yod la | chos rje gang nyid lugs gnyis la mkhas rgya che bas chos phyogs ma zad srid phyogs kyang phyi nang gi dme 'khon 'khrug long gi sgo legs bsdum mdzad nas gyod kha che chung mang po chod khras gtsang dag mdzad nas yul gru rgya che bar phan bde'i sgo legs spel mdzad pa sogs rlabs po che'i rnam dkar bsod nams kyi byas rjes sgo gang thad nas mi dman pa'o | |
de 'dra'i sgo nas nyid dgung grangs don bzhi sa khyi'i lo'i bar bstan 'gro'i don du 'tsho gzhen su legs bzhugs mdzad nas sku tshe'i mdzad pa tha ma'i tshul la zhugs te lo de'i zla ba gsum bzhi'i skor nas khong gi sku cung zad bsnyung ba nas bzung kun gyis zhabs brtan 'bul ba sogs byas kyang nyid kyi zhal nas | da ni rang yang na tshod mtho bas cir 'gyur mi shes sngon chad nas drung pa'i yang sprul rgyal tshab tu bskos tshul | drung 'khor 'bangs sde sogs kyi 'gro lugs bcas kyi zhal chems zhib rgyas kyi sgo nas rim pas lo de nyid kyi zla ba dgu pa'i yar tshes bcu pa'i nam langs kyi dus tsam sku seng ge nyal stabs kyi steng nas zhi bar gshegs te nyin zhag lnga'i ring thugs dam du bzhugs mthar de las legs bkrol gdung mchod zhugs 'bul sogs sgo kun nas rgya cher byas skabs kha ba me tog gi dbyibs dang 'ja' sprin sogs dge mtshan re dang bcas dgongs rdzogs mtha' rgyas su grub la | 'di dang thog mnyam bod ljongs tAla'i bla ma rgyal ba sku phreng bcu gsum pa thub bstan rgya mtsho'i smad dang | bcu bzhi pa bstan 'dzin rgya mtsho'i sku dus dang | paN chen er ti ni sku phreng brgyad pa chos kyi nyi ma dang dgu pa chos kyi rgyal mtshan gnyis kyi dus dang | krma zhwa nag sku phreng bco lnga pa mkha' khyab rdo rje dang bcu drug pa rig pa'i rdo rje gnyis kyi sku dus dang | chos rje 'di'i dgung lo nyer brgyad skur nas gong ma chin rabs kyi mjug rdzogs shing mi dmangs rgyal khab snga phyi rim pas tshugs pa da bar yan dang | 'dzam thang 'dir gtsang pa'i gdan rabs sku chen 'jam dpal mthu stobs rnam rgyal | sku 'bring 'jigs med phyogs las rnam rgyal | sa sprul kun dga' phun tshogs zhabs pa sogs dang | sgrub brgyud slob dpon ngag dbang chos kyi dpal 'byor | kun dga' mkhas grub dbang phyug | ngag dbang bstan pa gsal byed sogs kyi sku dus tsam mo | de dag gis 'dzam thang chos rje'i sku phreng grags chen re shing ba ma bgrang na brgyad dang bgrang tshad dgu'i tshul mdor bsdus su song zin to | |