[A:165] slob dpon kun dga' dpal ldan zhabs pa sogs skyes chen du ma'i thugs dag snang ngor 'phags mchog spyan ras gzigs kyi ye shes sgyu ma'i sku ru mthong zhing | khong dang gang 'brel ba thogs tshad kyi tshe 'das pho mo dag zhing du 'dren pa'i mthu nus kyang legs par gzigs pas de lugs kyi che bsngags dam pa de dag gis yang yang mdzad pa sogs zab chos kyi mngon par rtogs pa mchog gis thugs rgyud legs par gtams pa ma zad 'jig rten la'ang mkhyen rgya che tshul gyis mchog dman yongs kyis bkur 'os che dgu'i gral du nges par bzhugs pa sogs mdzad sgo che ba dang bcas dgung lo drug bcu tsam gyi skor du nyid kyis dag zhing gzigs so | |
tshes bcu sku phreng brgyad pa kun dga' rin chen grags pa |
8. sku phreng brgyad pa kun dga' rin chen grags pa ni | 'dzi rong pa sin zer ba'i sa cha nas 'ong ba rgyal rong bstan pa legs gter rgyal po'i gdung brgyud las chad pa skabs der mgo log phyogs su re zhig gnas bya ba'i yab dbang po rab brtan dang yum skal bzang dbang skyid gnyis kyi sras su me rta lor legs dge'i mtshan ma dang bcas sku 'khrungs | sku skyes 'di yang na shin tu phra ba byis pa'i skabs nas kyang thugs rig gsal ba sogs gzhan phal pa las khyad chos can zhig ste | sku nar son dus shig tu sangs rgyas rin chen gtsug tor gyi rnam 'phrul du grags pa rdza mi ra rin po che'i drung du slebs skabs khong gis thugs dgyes spro tshad med pas dkon mchog dpal rgya mtsho zhes pa'i mtshan gsol nas 'dzam thang phyogs kyi sku skyes su ngos 'dzin mdzad cing | de mthun 'dzam thang sbyangs pa skyabs mgon gyis kyang tshes bcu'i yang sprul du ngos 'dzin gsal po bcas rim pas tshes bcu'i sgar du gdan drangs nas bla ma lhag bsam gyis yongs 'dzin byas te klog legs slob mdzad rjes mi ring bar tsha kho bla ma 'jigs med chos ldan gyi drung du skyabs 'gro sogs la sbyang brtso sngon du btang ste dbon dam pa 'gyur med rgya mtsho'i sku drung nas rang lugs dus kyi 'khor lo'i rnal 'byor yan lag drug gi zab bka' smin byed dbang lung man ngag bshad khrid yongs rdzogs gsan te nyams len gong ma'i phyag srol bzhin mdzad cing de dus su tshes bcu sku thog ma'i mtshan yang bskyar du gsol | gzhan yang dus 'khor dbang chen sogs rgyud sde du ma'i zab bka' dang spyod 'jug sogs mdo phyogs kyi gzhung lugs 'ga' dang bcas gsan sbyang mdzad | de nas rim par bla ma mkhas dbang gi mdun nas theg mchog rgyas pa'i rnam bshad dang bla ma chos dbang gi drung nas phung lnga sogs dang | dge bshes ting 'dzin gyi mdun nas mngon mdzod sogs la sbyang brtson lhur len sogs dam pa'i yon tan mkhas btsun bzang gsum gyi dpal mnga' zhing | gzhan don 'phrin las kyi mdzad sgo yang tshes bcu'i yig brgya'i mtshams grwa ba sogs grwa slob du ma la rang tang dang 'tsham pa'i chos khrid gnang ba dang | rang yul 'dzi gzhung