[A:166] dang gzhan mgo log mtsho sngon sogs su bstan 'gro'i don rgya cher mdzad cing | rnam dkar gyi bya ba tshes bcu'i pho brang gsar bzhengs nang byams chen gyis gtsos nye sras brgyad kyi lug ma zhig gsos dang gser khang rten gsum bcas gsar bskrun sogs dang | mchod rten bkra shis sgo mang phyi nang yongs rdzogs zhig gsos legs pa bsod nams kyi brgyi ba gzab ldan gyi sgo yangs pa dang bcas nyid kyi gsung rtsom rgyal bstan spyi'i chos 'byung | jo nang chos 'byung dang khong nyid kyi rnam thar sogs yig cha gsar 'jog yang 'ga' res bstan pa'i zhabs tog legs mdzad kyi che ba sogs sgo kun nas dam pa mchog gi mdzad bzang ji bzhin skyong nges nas da lta bstan 'gro'i dpal du sku 'tsho bzhes su 'jigs med rdo rje'i khri la bzhugs bzhin pa 'di ka ltar ro | | de dag ni tshes bcu gong ma'i sku phreng ngo | |
(4) 'dzam thang arge sku phreng rim byon gyi lo rgyus |
arge sku phreng dang po nyi ma 'od zer |
1. da ni drung dka' bzhi pa'i dngos slob arge nyi ma 'od zer gyi sku phreng yang | thog ma arge nyi ma 'od zer gyis drung rarna shri dge ba'i bshes gnyen rdo rje 'dzin pa bka' drin gsum ldan gyi bla mar bsten nas mdo sngags kyi gzhung lugs zab bka' du ma la thos bsam gyis gsan sbyang nyams len bcas kyis mkhas grub gnyis ldan gyi skyes chen dam par gyur cing tshul de lugs ltar gyis gdul bya rjes su bzung ste gzhan la phan pa'ang rgya cher mdzad bzhin bzhugs shing khyad par nang rlung sems la dbang thob nas phyi yul snang ci dkar bsgyur nus pa'i mthu dang ldan te khong gi chos kyi mched tshes bcu rarna kIrtis mchod rten bkra shis sgo mang bzhengs skabs legs par grub pa la nye ba'i dus shig gi tshe de'i nyin gyi nyi ma dgong mor nub la chas tshe arge khong gis phyag gris nyi grib mtshams su 'dzir nas nyi ma rang sar sdod du bcug nas las ka'i mjug ma zin gyi bar nub kha'i nyi ma phyir yol bar byas shing de nas mchod rten gyi las mjug brub pa na phyag gri nyi grib mtshams nas phyungs tshe mtshan mo'i phyed tsam song zhig phyag gri phyungs shul grub chu bton pa da lta'i bar yod pa sogs ches ngo mtshar ba'i grub rtags la thogs pa mi mnga' bas de lugs ltar gyi khong gi mtshan la'ang nyi ma 'od zer zhes grags skad |
arge sku phreng gnyis pa nyi ma 'od zer dpal |
2. sku phreng gnyis pa nyi ma 'od zer dpal zhes bya ba yang khong gis 'dzam thang du chos rje rgyal ba seng ge dpal 'byor bzang po bla mar bsten nas mdo sngags kyi zab bka' rgya cher mnon shing nyams len kyang mdzad | de nas dbus gtsang du phebs te rje btsun tAranAtha'i zhabs drung du mjal nas zab mo'i chos kyi sgo 'phar phyes te gdams zab rgya mtshos thugs rgyud mngon par gtams shing | rang