[A:172] bag ko zhes par yab za la bon skyabs dang yum lug gu thar gnyis kyi sras su ( spyi lo 1740 | rab lo 12.54 ) lcags sprel lor khang steng du kha ba mi 'jog pa sogs kyi ltas dang bcas sku bltams shing zhag 'gar song rjes sku skyes na phra de zhag gsum bor nas mi mthong bar gyur slar mal du bzhugs nas nyid kyi phyag tu rgya gar 'bras kyi snye ma gsar pa zhig bzung bzhin zhal nas nga ni gtsang pa yin zhes zer | de nas dgung lo gsum tsam la 'dzam thang sgar gong 'og gis rang rang gi sprul pa'i sku skyes su kha ma 'cham pa la rten dpang du byas te bden brjod bcas rdzong 'gag rgyal pos sku skyes la rang gi gsol kar rdo bcal steng la 'phang du bcug ste kar yol bcag na 'dzam thang sgar 'og ma dang ma bcag na gong ma'i sku skyes su thag bcad de tshul de ltar byas tshe gsol kar chag sel med par kha gyen la bstan pa dang gtsang pa sku gong ma'i rten lha cha sogs ji bzhin ngos 'dzin byas pas kun gyis de lugs ltar thag chod byung nas 'dzam thang gtsang pa'i sku skyes su khri 'don byas te rim pas slob dpon kun dga' dar rgyas kyi drung nas klog sogs bslab sbyang gis tshegs med mkhyen cing | sku dbon don grub rgya mtsho dge slong chos 'phel sogs dge ba'i bshes gnyen du ma'i mdun nas rdo rje 'jigs byed kyi dbang dang sbyor drug gi chos skor mtshan gsol gong smos bzhin dang slob dpon kun dga' dar rgyas kyi drung nas rin 'byung gi dbang bka' rnams legs gsan mdzad |
dgung lo bcu skor du tsha ko nas cha lung ba'i yang sprul phebs pa 'das pa'i gshegs mchod dang khong gis rab ka'i thang du dus 'khor gyi dbang sogs zab bka' du ma 'dus sde che ba la gsungs pas 'ja' sprin sogs kyi ltas bzang bcas gzhan yang chos bka' ci rigs 'dzam thang du'ang gsungs |
dgung lo nyer gsum skor nas yar thang nas brgyud rnga yul phyogs su phebs lam kun tu rang rang gi mos 'dun bzhin gyi zab chos legs phye mdzad skabs mkha' lam nas 'ja' sprin dang chos nyan mig har long song ba 'ga' zhig gi mig thon pa sogs ngo mtshar ba'i dge mtshan byung | de nas 'brog dge dbon kun dga' lhun grub pa'i mdun nas sbyong rgyud kyi dbang dang kun dga' bkra shis kyi drung nas rdor 'phreng gi dbang res mos mnyam zhu dang gzhan yang dus kyi 'khor lo'i bdag po bdag chen gyi dbang dang drug cu dmar chen rtsang mdos las tshogs bcas dang sgra mtshams sbyor lnga pa'i sa ris sogs la'ang gsan sbyang mdzad bzhin de phyogs su 'gro don ci rigs kyi mthar slar 'dzam thang du phebs nas dgun mtshams dang gzims khang zhig gsos mdzad |
de nas ri khrod du sbyor drug la lo mtshams su bzhugs skabs rtogs pa'i klong rdol te rnal 'byor yan lag drug srog 'dzin man chad kyi nyams myong mtshan nyid pa skyes shing rang snang stong pa'i gzugs kyi 'char sgo ches cher mched de dag ma dag gi snang ba rab 'byams dang rmi lam 'od gsal gyi 'char tshul