[A:174] snga nas | ched brjod gnang ba | bla ma'i thugs su rtags bcu'i yon tan sogs | | gsar par 'chad 'di shin tu legs tshogs che | | slad ma'ang rnam kun mchog ldan gong 'phel cher | | gegs med yongs su spyod pas smin gyur cing | | ces sogs gzengs bstod rgya che ba mdzad cing | bkra shis lhun po | jo nang sku 'bum sogs la mjal mchod dang | rtag brtan nas spar yig rgyab khal blus nas slar rim pas lha sa'i bar phebs te jo bo shAkya mu ne sogs la gser chab phul nas khong gis tsan dan gyi bcu gcig zhal | pad 'byung gtso 'khor | kha sar pa Ni | rnam sras sogs kyi 'dra sku blus te snga phyi ci rigs su 'bri gung sprul sku | rgyal ba rin po che | zhwa dmar bcu pa chos grub rgya mtsho sogs la legs mjal gyi sgo nas mar phebs lam ngam chu khar gser ston mi 'gyur rdo rje dang rtogs 'bul yi ge bskur res kyis phan tshun thugs nang gcig 'dres su gyur | sde dge nas rgyal ba'i bka' chos chen mo'i gsung rab kyi yi ge legs blu bcas rang gnas 'dzam thang du 'byor zhing rab gnas dga' ston rgya che ba dang 'gro phan gzhan yang mang dag mdzad |gtsang pa sprul pa'i sku 'di nyid kyi phyag tu dpal ldan lha mo'i ral gri bdud sde ma rungs pa tshar gcod byed kyi phyag mtshan de yang legs 'byor gyi tshul du rten gyi skal ba mchog tu thob bam snyam la | dgung lo zhe gsum skabs chu chen mkhan pos gong ma'i gser yig gis 'dzam thang chos lugs brje dgos pa'i bka' nan byung ba na gtsang pa khong dang phun tshogs rdzong rgyal gnyis chu chen du byon te yin lugs legs zhus kyis ji bzhin go brda 'phrod nas zhwa ser kha bsgyur tsam las chos lugs sngar bzhin chog pa'i bka' gnang dang bka' rtags bzang po'i skyes bcas rang re'i bstan la phan thogs byung |
dgung lo zhe drug tu ma yum 'das pa'i dgongs rdzogs su 'khor lo drug cu lhag sogs rnam dkar bsags sgo rgya cher mdzad | de nas nyid kyi dgung grangs zhe bdun nas zhe dgu'i bar lo gsum gyi ring la sku mtshams dam po mdzad nas bzhugs shing dgung lo lnga bcur slebs pa tsam na khong nyid tsha kha'i 'brog sde la dkar bsod du phebs skabs mi nag gi ser sdes zhus ngor grub chen brgyad cu'i rjes gnang gsungs pa'i tshe 'phral du sa drod dang mkha' lam nas 'ja' sprin dang mtshan mo sprin med par char zil dang nyin mo kha ba me tog ltar 'bab pa sogs kyi ltas byung tshe khong gi zhal nas | da ni nga rang la sku gong ma'i tshe gegs las lhag lo gnyis tsam song bas gang gis phan pa med par 'chi ba'i dus la babs pa yin | zhes gsungs nas ( spyi lo 1789 | rab lo 14.31 ) sa mo bya lo de'i tha skar zla ba'i bco lngar zla ba sgra gcan gyis sgrib cing tshes de'i nyer brgyad nam gung du gzugs sku'i bkod pa 'phral du bsdus nub rwa rdzong du gdung shul mtho gang tsam skya mor song ba'i shul dod cing de'i nub gdar tshang du rol mo'i sgra ldir ba dang de zla ba phyi ma'i tshes gcig tu nyi ma yang bzung ba'i sgo nas tshes bzhi'i nam gung sa