[A:175] g.yo ba dang bcas sku gdung bzhu skabs bud shing cher med par rang 'bar du song zhing dgu'i ring 'ja' sprin rgyun ma chad pa dang gdung rus la tshe dpag med kyi sku sogs dang ring bsrel che chung du ma sku sha tshig pa'i thal ba mgar khung tshwa la lta bu'i sra mkhregs dang ldan pa sogs ngo mtshar ba'i rtags mang po bcas dgongs mchod gdung rten sogs rgyas par rnam thar logs na yod pa ltar ro | |
gang gi thugs slob grub chen dus zhabs pa'i byin gyis brlabs pa'i sprul skur grags pa nang nyams rtogs kyi klong rdol zhing gtum mo'i bde drod kyis dgun khar gzims khang steng la kha ba 'jog mi thub pa sogs grub pa'i rtags dang mngon mkhyen thogs med mnga' ba lha tshe bla ma ngag dbang rgyal mtshan zhabs pa dang | nyid kyi sku dbon lhun grub rgya mtsho ste | de yang mthu nus kyis bstan bsrung bran du bkol zhing drag po mngon spyod kyi las tshabs chen grub pas sdang dgra gdug can chom la 'bebs nus pa'i sngags rig 'dzin pa chen po zhig yin phyir skabs shig tu khong nyid smra yul phyogs kyi 'brog sder bzhugs skabs nyin cig ri ngos nas 'brong g.yag rgod pa ches stobs dang ldan pa zhig rang shed kyis 'brog pa'i ri thog tu rgyug byung ba na der gnas mi thams cad kyis ci bya gtol med 'jigs skrag gis bya thabs zad tshe | dbon nyid kyis skad cig la | chos skyong skul rbad kyis dmod bcol dang bcas sku gzan sa la brdabs pas de ma thag 'brong rgod ngar ba de 'phral du sked par dral nas kha sbub tu shi song bas kun ha las par gyur pa sogs nus mthu che ba'i lo rgyus mang po can zhig go | | de la sogs pa'i thugs sras bu chen skyes bu dam pa'ang mang tsam yod tshod du gda' |
gtsang pa sku phreng gsum pa dkon mchog 'jigs med rnam rgyal |
3. gtsang pa'i sku phreng gsum pa dkon mchog 'jigs med rnam rgyal ni| yo stag tu yab mgo log snying rgyal 'bum dang yum sdong za lug mtsho gnyis kyi sras rigs su lhums la bzhugs skabs yum gyi rmi lam du zla ba khang steng du babs pa dang | 'dzam thang nas 'ong zer ba'i bla sgar sgo drung du slebs pa dang | nam mkha' nas gser gyi rdo rje snyan pa'i sgra ldan zhig rang gi pang du lhung ba sogs rmis shing | yab kyi'ang mnal lam du dung dkar 'bud pa'i sgra gdangs kyis yul gru chen po kun yom yom byed pa'i snang ba sogs dang | khyad par khyim gyi du ba gnam du song ba'i dbus su lha sku dkar po rgyan ldan bzhugs pa dang | bla ma dbon g.yog drug re gtsang pa yin zer bzhin khang thog tu thon pa dang | zhing rwa rnams su me tog sna tshogs 'od 'bar bas khrig mer gang ba dang | grong khyer kun tu dri bzang gis khyab pa dang | khang steng du gur gyi shul tsam la dgun khar kha ba mi 'jog pa dang | sku gong ma rnga khog tu phebs dus mchod skung zhig stor song ba bya rog gis khyer nas 'dir khang thog tu bzhag pa dang | chos skyong khyab 'jug chen pos gzugs che chung sna tshogs pa'i sgo nas dus dang dus su mel tshe byed pa sogs ngo mtshar ba'i rtags