[A:178] skabs rtags mtshan khyad par ba'i lo rgyus kyang mang | 'di skabs ci rigs la bya bral klu sgrub rgya mtsho'i mdun nas rje btsun tAranAtha'i gsung 'bum yongs rdzogs kyi bklag lung gsan |
dgung lo bzhi bcu skor rje klu sgrub zhabs pa de nyid kyi drung nas 'dzi sgar dgongs gter sgrol ma gsang sgrub kyi zab bka' zhus te zla ba bdun gyi bar bsnyen mtshams kha skong bcas grub cing | de rjes su 'jigs med snyan brgyud kyi rim pa'ang mtha' rgyas mdzad nas de mtshams shig tu bla ma chos mchog gis zhus ngor 'dus pa mang po la 'jigs byed ro langs brgyad pa skor gyi dbang dang chos skyong 'ga'i rjes gnang bcas gsungs shing | khyad par drakSad gnyos lugs kyi rjes gnang bka' gtad bcas nang slob dam tshig dag pa 'ga' la gnang skabs glog 'od 'khyug cing 'brug skad drag po ldir bzhin lce 'bebs dbal ngar mos 'jigs snang bskul ba sogs gnyan cha che ba'i rtags mtshan byung la | sku 'di dang gong ma ci rigs kyis dkor bdag rnam sras mchod sgrub dang gzhan rgyal po'i rigs bkol ba'ang mdzad | de nas bla ma dri med kyi mdun nas mgon po brag rdzong ma'i dbang khrid gsan nas bsnyen mtshams dam rgya bcas kyis 'grub rtags thon nges dang yag mdo'i gzims khang gong ma'ang bzhengs | mchog rtse dang rdzong 'gag gi rgyal po gnyis kyis gtsang pa gdan 'dren zhus skabs rim pas bkra shis sgang | rgyal sa sna dag | lhar yag dgon sogs la brgyud nas rgyal sa rnam gnyis su phebs lam thams cad du chibs bsu rgya che bas 'khar rnga sgra ldan sogs dngos rdzas kyi 'byor pa gya nom pas che 'bul bcas de phyogs dpon sde mtha' dag gi dad gus bla blag pas bla mar legs bkur byed skabs khong gis gson po la pho lung gis rnam shes dbyings su spar ba dang 'jam dpal khros pa'i nga rgyal ngang me zhags kyis gdon bgegs ring du bskrad tshul 'dre khog zhugs dag gis lab pa sogs yon tan mthu nus kyi snyan pa kun nas ldir bzhin bsrung rim dbang bka' rgya che bas 'gro don dang de phyogs dgon sde la zab chos re 'dod bzhin gyis yid tshim mdzad pas dngos 'bul kyang de lugs ltar sgo kun nas sprin dpung bzhin gang 'dus tshad rnam dkar chos ldan gyi bgyi ba 'ba' zhig tu gtsang dag mdzad |
dgung lo zhe bzhi'i skor yag mdor grwa tshang gi 'du khang chen mo'i rmang gzhi 'deng ba nas bzung rim pas phyi bkod yongs rdzogs dang nang du'ang ston pa'i skyes rabs dpag bsam 'khri shing cho 'phrul chen po'i bkod pa | rgyud sde'i bla brgyud sna tshogs grangs brgya phrag gcig dang bdun cu rtsa gsum | rgyud sde lnga'i lha grangs brgya phrag gcig dang nyer gsum lhag | chos skyong skor cha tshang | bde chen | mngon dga' | sman bla'i zhing rnams kyi bkod pa | sgo drung du rgyal chen sde bzhi'i bris thang | ka tshon shing tshon sogs rnam pa kun nas khyad mtshar ba'i legs bkod mtha' dag ji bzhin grub pa'i yon thang dngul srang brgya phrag drug lhag gi dngos rdzas gya nom pas 'gro dgos gtong phod dang | 'du khang grub zin