[A:180] po'i gzugs sogs byung zhig de 'dra'i ngo mtshar ba'i ltas bcas dgongs mchod legs sgrub dang gdung rten sogs kyi tshul nyid kyi rnam thar lo rgyus logs su yod pa las ji skad byung ba ltar te | gtsang chen sprul pa'i sku 'di nyid kyi thugs slob skyes chen dam pa spyir na mang zhing khyad par sku 'khor dge slong chos 'phel sogs nye gnas rnams kyang 'gran zla dang bral ba'i bshes gnyen rdo rje 'dzin pa du ma dang yang sgos khong gi sku dbon bsod rgyam zhes pa tshur mthong 'dris 'grogs pa dag gis glen blun tha shal zhig tu brtsi ba las ci yang gus bkur mi byed kyang dbon nyid ni don gyi yin lugs la gtsang pa'i thugs sras mchog gyur sbas pa'i rnal 'byor rtogs pa'i nyams myong nang nas cher rdol bas skye 'chi la rang dbang thob pa zhig ste | de yang gtsang chen mchog gis dag zhing gzigs pas slob 'bangs rnams mya ngan gyis gdung skabs | sku dbon nyid nas | khyed rnams mya ngan ma byed | kho bo shul du lus pas mi chog gam | zhes smras pa na | de la kun gyis rtsis med byas nas gshe zhing | khyod kyis ci zhig 'ong | khyod gar 'gro na song zhig | ces smras tshe | dbon nyid kyi zhal nas | 'o na nga rang yang nam 'gro bsam na rang dbang yod cing | yi dam rdo rje 'jigs mdzad dang | phu bo gtsang chen bla ma yang lhan du 'gro gsungs pas da ni 'gro ba yin | zhes gsungs tshe | nye 'khor ba dag gis de la yid ches ma zad spyi brdol nges med kyi gtam lab tu rtsis nas ci yang yid 'jog ma byas stabs sang nangs snga mo tsam na gtsang pa sku thugs dam du bzhugs pa'i zur du sku dbon bsod rgyam nyid kyang sku rnam snang chos bdun gyi ngang nas mnyam bzhag zab mo'i rnal 'byor gyi dbyings su skad cig la 'phos te dag zhing brje song ba sogs ngo mtshar ba'i rtags mtshan ston nus pa'ang yod skad do | | de 'dra'i mdzad sgo khyad mtshar can gtsang pa sku phreng gsum po 'di dag ni gdan rabs dang sgrub brgyud 'dzin pa'i rdo rje slob dpon gnyis ka yin zhing | spyir na khams phyogs su rang re'i bstan pa sngar dar ba nyams dma' ba'i dus su nges don zab mo'i rang lugs slar yang cher spel gyis bstan 'gro la phan pa rlabs chen mdzad pa las da lta yan du mdo smad 'di phyogs su jo nang pa'i chos brgyud 'dzin skyong spel mdzad kyi skyes chen phal mo che gang dag byon pa ni gtsang pa sku gong 'og gsum po'i dngos brgyud ci rigs kyi slob brgyud las byung ba sha stag tu nges la | tshul de lugs ltar gyi bka' drin che zhing mdzad sgo rab tu yangs pa yin na'ang de nas sku phreng rjes byon 'ga' re yod pa dag ni dus kyi dbang gis mdzad tshul rgya de 'dra mi che bas de rnams kyi lo rgyus nyung shas re rjes nas 'chad par 'gyur ro | |
(7) gtsang chen gyi rdo rje slob dpon rim byon |
'di na skabs su babs ni gtsang pa sku phreng gong ma gsum gyi slob brgyud kyi rim pas gdan