[A:181] sa 'di ma zad khams phyogs stod smad thams cad la chos kyi phan pa rgya che bas de lugs ltar nges don sgrub brgyud 'dzin pa slob dpon skyes chen gang dag gi lo rgyus bsdus tsam re 'chad par bya ba ste | de la gtsang chen sku phreng gsum pa nyid kyi dngos slob rgyal tshab ngag dbang chos 'phel nas bzung gzims khang pho brang du rim byon gyi rdo rje slob dpon rnams dang | skyabs rje ngag dbang bsam gtan sogs 'dzi stod smad kyi dgon gnas so sor gdan sa ba skyes chen rim par byon pa gang dag ni gtsang pa gang nyid kyi dngos dang brgyud pa gang yang rung ba'i slob tshogs su gyur pa'i rang re'i chos brgyud 'dzin pa 'ba' zhig tu gtogs so | |
gtsang chen gyi rdo rje slob dpon dang po ngag dbang chos phel |
1. de dag las thog mar gtsang pa nyid kyi rgyal tshab tu mnga' gsol ba'i rdo rje slob dpon byin rlabs don brgyud kyi chos mdzod 'dzin pa chen po ni gtsang pa dge slong ngag dbang chos phel zhabs pa ste 'di'i lo rgyus yang 'dzi yul rab kha zhes par yab mgo log rdo rje 'bum dang yum lcags za klu mo rgyal gnyis kyi sras su ( spyi lo 1788 | rab lo 13.42 ) sa sprul lor sku 'khrungs | chung ming tshe dbang skyabs dang dgung lo bdun lon dus klog legs bslab kyis mkhas par gyur te rim pas lo grangs dgu steng tsam na rgyal ba'i yum klog 'don gyi grong chog skabs ka rtags thog ma a yig la ngos 'dzin mdzad tshe rtogs pa'i dbang phyug bla ma chos 'byor gyis bu chung gang de ma 'ongs pa na gnas lugs rtogs pa'i skyes chen du mngon mkhyen gyis gzigs nas de lugs rten 'brel lung bstan mdzad cing | sku na phra ba'i skabs su'ang chos sgrub 'dod che zhing sgrub gnas kyang 'dzam thang chos sde phyogs su thugs dbang med 'khor ba sogs kyis sngon gnas bzang po sad la nye ba zhig ste de mtshams dgung lo bcu skor zhig tu klog bros kyi tshul byas te 'dzam thang gtsang chen sprul pa'i sku dkon mchog 'jigs med rnam rgyal gyi drung du slebs nas skyabs 'gro dang tshang spyod dge bsnyen gyi sdom pa zhus te mtshan ngag dbang chos 'phel rgya mtsho zhes gsol | de nas bzung gtsang pa nyid bla mar bsten nas sku'i rjes su rgyun 'brang bcas bka' bzhin bsgrubs pas mnyes par mdzad | dgung lo bcu bdun par byang sems kyi sdom pas thugs rgyud bsdam bzhin rim pas sku dbon lhun grub rgya mtsho'i drung nas sbyong rgyud | rgyud sde lnga pa | dus 'khor sogs kyi dbang dang mgon po'i rjes gnang de'i man ngag po ti me 'bar gyi lung bcas gsan | gtsang chen sprul pa'i sku'i zhal snga nas | dus 'khor dbang mo che yongs rdzogs | rgyud sde'i bshad khrid zab khyad can du ma thob cing | 'di skabs gzims khang du sangs rgyas kyi skyes rabs ri mor bzhengs dus sgo kun nas zhabs phyi dang dngos rdzas re yang phul | de nas dgung lo nyer gnyis skor lha tshe bla ma ngag dbang rgyal mtshan gyi mdun nas sbyor drug