[A:11] dang khyad par 'khor lo tha ma'i dgongs don 'phags pa'i bzhed srol bzhin rgya cher dar bar mdzad | de nas rim par brgyud de |
3. phra zhing rtogs dka' ba drang slong chen po'i lam bzang bde gshegs snying po'i legs bshad seng ge'i sgra chen ring nas nub pa slar yang gsal bar mdzad pa gangga maidri'i zhabs dang |
4. rgyal ba mi pham pa'i zhal gzigs te | gnyis 'dzin 'khrul ba'i dri ma gtan nas spangs shing brtul zhugs spyod mdzad a wa dhU ti pa chen po dga' ba grags pa'i dpal dang |
5. theg mchog gzhung lugs rgya mtsho'i pha rol son cing tshangs spyod dpal gyis brgyan pa'i dge slong chen po gnas lugs zab mo'i don gzigs pa'i kha che ba 'byung gnas zhi ba'i zhabs dang |
6. dbus kyi ka chen dang po bram ze rin chen rdo rje'i gdung brgyud du 'khrungs pa yi dam lhag pa'i lha'i byin gyis brlabs shing gsungs rab mtha' yas pa mkhyen pa'i rnal 'byor gyi dbang phyug bram ze sajjana zhes bya ba'i bar gyi skyes chen dam pa de dag gis 'khor lo tha ma'i dgongs don nges pa don gyi dbu ma'i lugs srol legs par bzung nas 'phags yul du spel shing | de nas bod gangs ri'i ljongs su yang |
7. dpal 'khor lo sdom pa'i zhal gzigs shing mkhas dbang du ma'i gtsug gi nor bu gangs ljongs 'dir gzhan stong dbu ma'i sgra chen bsgrags shing dpe med grong du rdo rje'i sku brnyes pa'i gzi lo tsA ba dga' ba'i rdo rje nas bzung rim par |
8. mi pham gzhung la mkhas shing nges don dbu ma'i lam bzang thugs su chud pa'i sdom brtson dam pa btsan rigs kha'o che dri med shes rab |
9. zab mo'i gnas dang rgyud sde du ma mkhyen pa byams pas rjes su bzung ba la stod pa dar ma brtson 'grus |
10. snying po'i bstan pa gsal mdzad dol pa gnyan ye shes 'byung gnas |
11. 'phags mchog gnyis kyi dgongs pa gcig gzigs 'jad ston sku mched zung ste byang chub skyabs dang | gzhon nu byang chub |
12. phyag rdor zhal gzigs chos skyong bran du 'khol ba skyo ston pa smon lam tshul khrims |
13. mi g･yo mgon po'i byin gyis rlabs shing bka' bstan dgongs rtogs rig pa'i ral gri |
14. nges don snying po nyan bshad kyis spel mdzad skyi ston pa |
15. kun mkhyen jo nang pa'i bar du brgyud pa bar ma chad cing brgyud tshul 'dir gcig tu ma zad gzhan du ma'i sgo nas kyang rgyu pha rol tu phyin pa'i theg pa nas nges don zab mo'i lugs bzang