[A:189] bla'am rus a skyabs lug 'u dang yum smon za klu skyid gnyis kyi sras su ( spyi lo 1808 | rab lo 14.02 ) sa 'brug lor sku bltams | chung dus nas gzhan las khyad par 'phags shing na tshod drug bdun nas dge rgan ngag dbang tshul khrims kyi mdun nas klog bslab pa sogs rig pa'i gnas du mar thugs blo rgyas te dgung lo bcu bdun par gtsang chen sprul pa'i sku dkon mchog 'jigs med rnam rgyal gyi drung du rten 'brel legs sgos bsu ma dang bcas nye bar slebs te gang gi mdun nas rab tu byung ba'i sdom pa legs mnos mdzad de mtshan ngag dbang chos 'phags rgya mtsho zhes gsol |
de nas bzung sha chang sku tshe gang por spangs shing gtsang chen mchog gi drungnas slar yang zab chos kyi sgo dus 'khor dbang chen | nai gu'i zab bka' yongs rdzogs sogs dang | khyad par zab lam sbyor drug sngon 'gro nas bzung rdzogs rim yan lag drug pa ting de 'dzin gyi bar legs par gsan nas nyams len skabs rtogs 'bul sogs kyi slob dpon rtogs ldan dri med | sangs rgyas rgya mtsho | rdo rje 'chang ngag dbang chos 'phel rgya mtsho zhabs pa ste de 'dra'i sgo nas nyams len mtha' rgyas mdzad pas lam rang rang gi rtags mtshan khyad par ba dang snod bcud stong gzugs kyi lha'i rnam rol tu shar zhing las rlung dbu mar thim rtags du ma dang | bde stong gi ye shes la sems shin tu gnas pas mnyam bzhag las ldang dka' ba sogs nyams dang rtogs pa'i sgo rab tu yangs pa byung zhing chos brgyad la zhen pa gting nas chod par gyur te | dgung lo nyer lnga sogs su paNDita chos dbyings rdo rje'i drung nas rgyud sde'i dkyil 'khor brgya lhag tsam gyi bri thig dang blos bslangs sogs bslabs | gtsang pa'i zhal snga nas dus 'khor sgrub mchod btsugs pa la thig 'debs slob dpon sogs 'phral gyi bya ba gang dgos dang khyad par rje sgrol mgon zhabs kyi phyag bzhes ji bzhin tshe dbang mchog grub nas kos paNDita la gsungs pa'i zhal rgyun ma nyams pa thugs la bzung nas yi ger bkod de 'tshogs kyi kun spyod ches gtsang legs dang bcas sgrub mchod rgyun 'dzugs kyi ched bla ma mchog sgrub a skyong gong mar bla tshab tu zhal bkod mdzad pa sogs sgo kun nas 'tshogs rgyun da bar mi chad pa ni dam pa 'di'i bka' drin yin zhing | sngar sbyor drug skabs kyi bla ma bzhi po'i mdun nas yan lag drug gi nyams khrid yongs rdzogs re re thob la | de las bla ma dri med kyi mdun nas sgrub thabs brgya rtsa | grub chen brgyad cu | gur mgon dbang bka' sogs zab chos lhag po mang po gsan |
dgung lo sum cu skor gtsang pas dag zhing gzigs pas dgongs mchod gzab ldan gyis byin rlabs kyi mtshan ma rnyed | de nas gtsang pa dge slong chos 'phel gyis rgyal tshab mdzad nas gdul bya rjes bzung skabs dam pa 'di nyid kyis zab khrid gsal 'debs sogs kyi mdzad sgo la thugs khur bzhes | lo 'di skor tsam na mkhan ngag dbang chos 'phel rgya mtsho | slob dpon rtogs ldan phyug