[A:190] mdzod chos 'grub | gsang ston pa bla ma nor bzang sogs mkhan slob grangs tshang gi mdun nas bsnyen rdzogs kyang zhus | de nas skabs shig tu dom tsha mkhan po sogs 'dus pa mang po la bskyed rdzogs spyi dang dus 'khor gyi phyi nang gzhan gsum rgyud dang mthun par zhib bshad byas pas dom tsha mkhan po sogs ngo mtshar nas rje btsun tAranAtha dus 'khor gyi bstan pa spel ba la slar byon pa lta bu zhig red | ces sogs che bsngags mdzad | gtsang pa dge slong gi mdun nas kong sprul gyis sbyor drug zhu skabs nyams khrid kyi rigs 'ga' zhig dang 'khrul 'khor sogs slar yang dam pa 'di'i mdun nas zhib tig gis legs zhu mdzad tshe khong gis gong ma'i gsung dang rang gi nyams myong bzhin gtan 'bebs mdzad pas kong sprul rin po ches thugs mgus cher bsngags rgya che ba mdzad cing | kong sprul gyi mdun nas kyang gsang 'dus kyi dbang | dbu ma'i lta khrid sogs zab bka' mang po zhus | g.yu thog tu karma 'od gsal gyi drung nas | rdor 'phreng dbang yongs rdzogs | bde mchog dril lugs | phag mo'i skor | 'jigs byed rwa pod sogs dang | rtogs ldan ngag dbang bstan gsal gyi mdun du | rin 'byung cha tshang | dus 'khor 'grel chen gyi bklag lung sogs dang | rdo rje 'chang ngag dbang chos 'phel gang drung nas | kun mkhyen yab sras kyi gsung 'bum | grol mchog khrid brgya | mgon po'i po ti me 'bar | dus 'khor dang | nai gu'i dbang cha tshang | gshin rje dang | bde mchog rab 'byams sogs rje btsun gyi bka' 'bum las byung ba'i rgyud sde'i zab dbang yongs rdzogs dang | mchog sprul mi pham 'phrin las rab brtan gyi mdun | rje btsun gsung 'bum yongs rdzogs kyi bklag lung legs gsan mdzad |
dgung lo zhe bdun skor dpal sprul 'dzam thang du phebs pa'i drung nas | spyod 'jug dang rgyud bla'i bshad khrid zhus shing | gtsang pa dge slong gi mdun du dpal sprul gyis sbyor drug sogs zhu skabs dam pa 'dis nyams rtogs ngo sprod tshul | 'khrul 'khor lag len sogs zhal rgyun nyams myong gi sgo nas dpal sprul sang la zhib rgyas su phul bas dgyes spro che rab mdzad | khyad par khong gis dus 'khor yongs rdzogs kyi bsnyen sgrub mdzad pas dus kyi 'khor lo dang rigs ldan pad dkar | kun mkhyen dol po sogs bla ma yi dam du ma'i zhal mthong | khro rgyal rta mchog heruka yi dam du mdzad pas dngos dang rmi nyams su bde ba can gyi zhing du yang yang bkrod pa dang | gza' dang rgyal po sogs dregs can du mas khong gis bsrung byar gyur pa la gnod mi byed pa'i dam bca' phul ba dang | thugs snang du chos kun sgyu ma'i rnam rol du 'char zhing | rmi lam skabs shambhala sogs dag ma dag gi zhing khams gang du phyin kyang chog pa dang | sprul bsgyur gang 'dod la thogs pa mi mnga' zhing lkog gyur don la brtag tshe rmi lam du dge slong dang | mi dkar po lwa thod can gyi gzugs sogs 'ong nas lkog gyur