[A:191] ji bzhin ston par byed pa sogs che ba'i yon tan mang po mnga' la | dgung lo nga gcig sogs su rtogsldan ngag dbang bstan gsal sogs skyes bu dam pa du mas gtsos grwa tshang mang po la | kun mkhyen dang rje btsun gyi bka' 'bum cha tshang gi bklag lung gsungs shing | bla med kyi rgyud sde du ma'i bris thang gsar bzhengs dang | slob bu 'ga' la zab mo sngags kyi lam rim rgyun mi chad par gsungs pa dang | arge mchog sprul sogs 'dus pa mang po la rdor 'phreng dbang yongs rdzogs | sgrub thabs brgya rtsa'i rjes gnang sogs chos bka' du ma gsungs skabs gtsang pa dge slong nyid kyang dbang gsan pa la phebs par mdzad | gzhan yang sa dmar dge bshes sogs la dus 'khor sgrub dkyil rtsa 'grel dang bcas pa'i rgyas bshad dang | gtsang sprul rig mchog rnam rgyal sogs la kun mkhyen rje btsun gyi gsung 'bum cha tshang gi bklag lung sogs zab chos du ma bar bar gsungs |
dgung lo nga brgyad skabs gtsang pa dge slong dag zhing du gshegs pa'i dgongs mchod rgya cher byas nas bla ma la rgyun du gsol ba btab pas nub cig rmi lam 'od gsal gyi ngang du mkha' lam g.ya' dag pa nas rdo rje 'chang ngag dbang chos 'phel de nyid kyi gzugs sku mtshan dpes legs par mdzes bzhin 'od zer gyi phung po can skad cig gis gsal bar mjal bas yid dad gus dbang med kyi ngang nas skad gsang mthon pos | dbyings mkha' na bzhugs pa'i bla ma rje | mgon med pa'i mar gyur 'gro rnams kyis | bzod dka' ba'i sdug bsngal dpag med myong | pha khyed kyis thugs rjes mi gzigs sam | | zhes pa'i gsol ba btab pas | | bla ma'i zhal nas | rigs kyi bu khyod ni bla ma la mos gus kyi 'dun pa'i rtser son pa yin | zhes gsungs pa sogs dag snang ngo mtshar ba'i lo rgyus mang po yod | 'di skor nas bzung gtsang pa'i dge slong gi gdan tshab byas te zab chos kyis slob tshogs rjes su bzung ba zab lam sgom pa lnga bcu re las mi nyung ba sogs dang | phyogs nas 'ong ba'i mdo smad kyi chos lugs so so'i grwa sde brgya stong mang po sogs la rang rang dang 'tsham pa'i zab bka' rgya che bas slob ma gang dag gi rgyud la gdan khel gyi mdzad sgo gnang |
dgung lo drug cu skor du dag snang gi zhal gzigs sngar gyi mi dkar po lwa thod can de dngos su byon nas da dung khyed kyi gdul bya'i rgyud la bshad sgrub kyi lag rjes ma zhog gsungs pa la brten khong gis de phan chad du gdul bya phal mo che la sgo gang thad nas ma bskul dang blang gis chos la legs bskul mdzad de sngar las lhag par 'gro che bar mdzad | khyad par rje bla ma'i gdung rten kun mkhyen jo nang pa'i dgongs bzhed dang mthun par dus 'khor blos bslangs bzhengs skabs las byed pa dag gis byed thabs 'ga' re legs po ma dpyod tshe khong nyid bde gsal du bzhugs pas sngar gyi rigs ldan sprul pa lwa thod can de byung nas las ka ci dgos kyi thabs legs bslab mdzad pas de lugs ltar bgyis pas