[A:195] pa'i kha 'dzin spangs nas las 'bras la blang dor ji bzhin re e yong ltos | dpal jo nang pa'i rang lugs la sgo gang thad nas rang bzos slad med kyis 'dzin skyong spel thabs shig ma 'chag | da lan rang ni gna' snga mo nas 'di snang la chags zhen spangs ci thub dang | chos la brtson pa mi lhod tsam gyis sdom gsum khas gang blangs la 'gal tshabs che ba ni ma byung rtsis yin | da lo kha shas shig nas nyin mtshan gyi snang ba'ang ji bzhin med par ched du ma bsgoms kyang 'od gsal 'khor yug tu song gshis tshe phyi mar chas tshe'ang sems khur med cing 'chi ba la dga' brod cig kyang yod par 'dug | ces sogs kyi gsung 'phros zhal ta zhib rgyas su gnang rjes ( spyi lo 1877 | rab lo 15.11 ) me pho gling lo de'i nag zla'i sgrub mchod kyi tshogs dpon zhag gsum mdzad nas khong gis nyid kyi rgyal tshab tu kun dga' dpal ldan zhabs pa bsko bzhag dang bcas da ni kho bo sgrub grwar 'chi 'gro ba yin | zhes gsungs te tshes bcu bdun nyin phebs lam du gdung bzhu byed sa tshun legs gzigs mdzad de sgrub grwar zhag 'gar bzhugs skabs nyin cig sgrub sde ba dag la khong gnangs nyin 'gro rgyu yin | zhes gsungs pa ltar phyir nyin du sgrub sde ba gang dag la chos dang mthun pa'i gtam skyes bu gsum gyi lam cha tshang gi bka' mol legs gnang dang bcas deda'i phyi nyin mo nag zla'i tshes bcu gu la khong nyid kyi sku la bsnyung zug gang yang med par rnam snang chos bdun gyi steng nas spyan 'bras gyen la bzlog ste don dam chos dbyings kyi ngang du kun rdzob gzugs sku legs bsdus kyi tshul du 'od gsal ma bu 'dres pa'i thugs dam mchog tu bzhugs so | | de nas zhag gsum tsam nas thugs dam legs bkrol gyis dkar cha steng dang | dmar cha 'og nas byung ba'i rtags mtshan dang nam mkha' nas me tog gi char 'ja' sprin sogs dang bcas phyi nang gi ngo mtshar ba'i dge mtshan kun nas yangs pa rgya che ba'i sgo nas gdung mchod legs sgrub gdung rten dgongs rdzogs gzab ldan gyi legs byas mi dman pa sogs kyi tshul rgyas par nyid kyi rnam thar logs su yod pa las byung ba ltar ro | | gang gi thugs slob yang sa dmar bla ma lung rtogs sogs rang re'i sgrub brgyud kyi rdo rje 'dzin pa du ma dang | gzhan phyogs med kyi sa dge rnying gsum sogs kyi skyes bu du ma byon nas khong la chos zhus pa'i slob tshogs ches mang ba'i tshul ni gong bshad dag gis cung zad shes nus so | |
gtsang chen gyi rdo rje slob dpon gsum pa kun dga' dpal ldan |
3. gtsang chen pho brang du sgrub brgyud 'dzin pa'i rdo rje slob dpon gsum pa kun dga' dpal ldan gyi lo rgyus ni | 'di'i 'khrungs yul smra rong phyogs kyi grong kheb leb ces pa der yab phur rtsa tshe 'bum dang yum mgo log za bo cog gnyis kyi sras bdun yod pa'i thog ma de dam pa 'di nyid yin zhing ( spyi lo 1829 | rab lo 14.23 ) sa glang lor sku bltams te chung ming skal ko zhes 'bod pa ste | chung nas chos ldan gyi rtsed mo sogs dam pa'i rigs can du mngon pa dgung grangs nyi shu'i bar pha ma brtse bas