[A:196] g.yog bzhin khu bo kun bzang nor bu'i zur du klog sogs bslabs pas yul srol dang bstun pa'i rig gnas ji bzhin mkhyen cing byang chub |
de nas dgung lo nyer gnyis par 'dzam thang khang dmar du sku dbon kun dga' chos grags rgya mtsho'i drung du yongs rdzogs dge bsnyen dang bar ma rab byung gi sdom pa bcas zhus te | mtshan kun dga' bsod nams dpal ldan zhes gsol | de nas bzung sku dbon gang nyid kyi mdun nas rdo rje'i rnal 'byor gyi sngon 'gro'i chos skor yongs rdzogs gsan nas nyams len mdzad | de rjes su 'byung 'dul gyi khrid zhus te bsnyen sgrub mdzad pas khyab 'jug chen po dbang du 'du ba sogs grub pa'i rtags mtshan che zhing | skabs skabs su mi nag 'jigs su rung ba'i gzugs kyis cho 'phrul ston pa'ang byung | der brten bla ma'i bka' bzhin mgon po'i khrid 'dus gsal tshang ba'i steng nas zab khrid gdams pa ltar bsnyen mtshams kha skong bcas mtha' rgyas grub pas chos skyong gis las sgrub pa'i rtags mtshan kyang ci rigs byung | de nas mu mthud du rdo rje 'jigs byed chen po'i 'bru gnon dang snyan brgyud kyi zab khrid rim pas zhus nas de gnyis bsnyen sgrub tshad ldan re rer mtshams sgrub dang de'i yan lag uSTiSarwa lugs sogs bskyed rim phal che ba nyams len mdzad pas drod rtags ci rigs pa mngon du gyur | de mtshams nas bla ma'i bka' bzhin rten gtso thub pa la phyag smon legs mtshan dang bcas gtsang chen pho brang gi rgyal tshab ngag dbang chos 'phel rgya mtsho'i sku drung du gus pas phyin te | dus 'khor dbang chen sngon du 'gro ba'i sgo nas yan lag drug gi nyams khrid gong ma'i phyag bzhes ltar rdzogs par zhus te dbang chen gyi ming dbang skabs gsang mtshan mi bskyod chos kyi seng ge ces gsol zhing de dag ji bzhin nyams len gyi dus su dam pa 'di'i thugs nyams su bla ma sangs rgyas kun 'dus su thag chod de 'khor ba la skyo shas dung nge ba dang sems can la phyogs ris med pa'i snying rje | 'di snang gi chos kun sgyu mar shar zhing zhi lhag zung 'brel khyad par ba ngang gis skyes te stong gzugs kyi rtags mtshan mang du mthong ba dang | bla mas rdo rje'i byin rlabs 'bebs pa'i thabs kyis ye shes phebs te nyams 'ur langs nas lus kyi rtsa mdud grol nas rtsa'i gnas tshul ji bzhin mthong ste de la gnad du bsnun tshul rang stobs kyis shes shing las rlung dbu mar zhugs gnas thim gsum gyis snang bzhi'i ye shes stong gzugs kyi snang ba rab 'byams bcas dang khyad par bla ma yi dam sangs rgyas byang sems mtha' yas pa dang mngon dga' bde ba can sogs dag zhing du ma gzhan yang rigs drug gi gnas ris sna tshogs rang gi sku tshe snga phyi'i skyes rabs bdun sogs sgrib med gsal bar gzigs pas 'di skabs skyes rabs bdun pa'i gsol 'debs kyang gsungs pa sogs rim gnyis kyi mngon par rtogs pa sgo kun nas dbyar gyi chu gter bzhin gshis rang bzhin lhug par rdol bas rtogs ldan gyi skyes bu mchog tu gyur to | | de nas shangs chos nai gu'i chos