[A:200] don la yin tshul gyi zhal bzhes dang gzhan yang slob chen 'ga'i dag snang ngor gang nyid dus 'khor dang sku'i mgrin pa man chad 'od phung gi rnam pa dang rdo rje 'chang dang 'od dpag med ci rigs rang 'dra'i sprul pa spro bsdu can sogs ya mtshan gyi bkod pa du mar snang zhing | khong gtsang pa'i sku rim gyi sgrub dpon du bzhugs skabs rdo rje 'jigs mdzad chen po'i gsal snang ngang dbu ma ye shes kyi dbyings su mnyam par bzhag pas stong gsum gsal bar gzigs skabs rgyal gdon gyis glags lta bar chas pa gang dag skad cig la dam 'og tu tshad nas gus mchod 'bul ba sogs kyi sgo nas bstan 'gro la phan pa rlabs chen mdzad |
dgung lo re gnyis skabs slob bu gang dag dang phyogs nas 'ong ba rnams la rang rang dang 'tsham pa'i zab chos ci rigs gnang bzhin nyid sku cung zad bsnyung ba rim gros re zhig bar yar dwangs su song | khong gis spyir na dam pa mang po bsten cing spong ba bsam gtan gyi dus 'da' bzhin ha kSa dung phyur lnga | hrIHSTi dung phyur gsum | kI la dung phyed sogs bsnyen sgrub kyang ches mang mdzad | 'di skor du'ang khong gi zhal nas | da ni gang du bsdad kyang bla ma dkon mchog gi thugs rjes bde stong gi ye shes chen po rgyun du ngam ngam shugs kyis skye ba yin | zhes gsungs la | khong gi thugs slob rtogs ldan gyi rnal 'byor pa ches mang zhing bstan pa'i sbyin bdag yang a skyong dpon dang | tsha ko'i bka' blon | khri bcu ta ro | rme'u rgyal blon sogs sa chen skyong ba gang dag gis yang gus pas bla mar bkur zhing zhabs phyi sgo kun nas mdzad |
dgung lo re gsum ( spyi lo 1891 | rab lo 15・25 ) lcags yos lor ni 'di snga mo dgung grangs re gnyis skor nas kyang snyigs dus su chos la zhugs lo mang yang spyod tshul sna tshogs ston mkhan du ma la thugs skyo ba'i tshul gyis thugs dam 'bral med las re zhig gzhan don gyi mdzad sgo bzhag pa'i tshul du bzhugs la | 'di lo yang khong gi nye 'khor rnams dbang btsan pas yul gzhan zhig tu chibs kha bsgyur rkyen zas ngan bzhes pas sku mkhris rgyas tshul gyis sku cung zad bsnyel ba'i tshul bstan pa na slob tshogs dag gis zhabs brtan yon bcos sogs sgo gang thad nas rgya cher bsgrubs te khong la bzhugs zhus phul tshe | nyid kyi zhal nas | khyed grwa slob thams cad bka' drin che da lan mya ngan ma byed nga rang 'chi ba las bshol thabs med | khyed cag gis kyang tshul khrims dag pa'i sgo nas thugs mthun gyis thun bzhi'i rnal 'byor 'chag med mdzad pa'i ngang nas thugs dam 'phel bo re mdzod cig ces sogs bka' 'phros zhib rgyas bcas lo de'i tshes drug gi dgong mor sku rnam snang chos bdun du bzhugs te thugs dgongs gzhi 'bras dbyer med kyi chos sku'i dbyings su mnal ba'i tshul gyis dgongs pa rdzogs pa'i tshe sku lus sngar dang mi 'dra ba'i 'od lus su gyur te dri bzang gi ngad phyogs kun la khyab cing zhag 'ga' nas lha bzo bla