[A:202] brjod med kyi dad gus ngang 'phar g.yo nyin der mu mthung du byung | sor sdud zab khrid gsan nas nyams bzhes kyi dus su sngar gyi rtags bcu'i snang ba je rgyas su go rim ma 'chol bar shar mthar re kha'i thig le phra ba'i nang srid gsum gyi gzugs brnyan kyang mthong | bsam gtan skabs stong gzugs rab 'byams shar nas de'i nang kun tu lha sku zhal sbyor can sha stag gis gang ba'i dbyings de'i ngang du nyin zhag bco brgyad la bzhugs | srog rtsol skabs lus 'dar rlung 'gag rmi nyams sogs rlung dbu mar zhugs pa'i rtags mang byung zhing lus smad nas 'od kor 'khor ba mgrin pa'i thad du slebs pas brgyal ba srog gi 'pho gegs kyang ji bzhin byung | 'di skabs lus nang gi rtsa dbu ma thig le dkar dmar gyi bgrod pa dang bcas nyams kyi tshul du snang brnyan ci rigs gzigs | bla mas srog rtsol rjes mthun du ngo sprad | 'dzin pa'i skabs rgyud sde'i lha sku dkar ser dmar nag yab yum thabs shes kyi tshul dpag med kyi gzigs snang rgyun du byung la | rjes dran skabs thabs shes kyi lha sku mang po mthong zhing bde nyams shin tu rgyas pa'i ngang nas thig le dbab bzlog bgram gsum dngos su byed nus pa byung | ting nge 'dzin gyi skabs nyams snang sngar las gong 'phel dang 'pho ba'i dus su rnam shes gsal snang dang bcas bla ma'i thugs kar dngos su spar bas nyin zhag gcig tsam la sku shi ba lta bur gyur nas bla mas bka' pheb ma byung bar brgyal ma sangs pa sogs de 'dra'i sgo nas sbyor drug lo bzhi'i bar nyams len mdzad |
de rjes nai gu'i zab khrid zhus nas nyams len lo gcig tu mdzad pas sgyu lus gsal stong dang rmi lam sprul bsgyur sogs la dbang thob | de nas bla ma kun dga' seng ge'i drung nas sum rtags dang | bla ma lha mchog gi mdun rtsis dkar nag dang | gzhan yang dkyil 'khor bri thig | blos bslangs | yig gzugs | gtor bzo | cho ga'i lag len sogs rig pa'i gnas rang re'i yul srol dang bstun pa'i nyer mkho'i rigs gang dgos byang chub par byas | de nas rje bla ma'i mdun nas | yi dam gyi rigs mang po'i zab khrid sogs zhus nas 'byung 'dul dang rta mgrin gyi bsnyen mtshams dang | 'jigs byed 'bru non | grub rgyal lugs kyi tshe sgrub la bzhugs | kun rig mi 'khrugs pa sogs dbang bka' du ma zhus shing | bla ma chos 'phags kyi mdun nas rdo rje 'phreng ba'i dbang yongs rdzogs kyang gsan |
dgung lo nyi shu'i skor du bla ma kun dga' seng ge'i mdun nas lam rim | spyod 'jug | rgyud bla sogs dang | bla ma dpal chen rdo je'i drung du blang dor rab gsal sogs la gsan sbyang dang | bla ma chos 'phags kyi mdun nas rta mgrin rjes gnang | sbyong rgyud bcu gnyis sogs 'dzam thang yar thang tshun la snga phyi ci rigs su zab chos mang po gsan | 'di skor nyid kyis a skyong gong ma'i bla rnga 'gur