[A:13] rgya cher mchod nas sangs rgyas thob pa'i thabs zhus pas | rgyal po 'dod yon spongs la bslab gsum dang phar phyin drug la rten cig gsungs pas | rgyal pos bdag bud med kyi tshogs dang lhan cig 'dod lnga la spyod pas sangs rgyas thob pa'i thabs cig 'tshal lo | | dzambu'i tshul ni nyams dga' bar | | wa skyes nyid du gyur kyang bla'i | | 'dod yon spangs pa'i thar pa ni | | nam yang mi 'dod gautama | | zhes zhus pas | der nyan thos kyi tshogs rnams mi snang bar thal te | 'di na gang zag brgyad med cing | | nyan thos rang rgyal 'ga' yang med | | byang chub sems dpa' rdzu 'phrul che | | de dag de yi gzugs su sprul | | zhes nam mkha' nas sgra yang byung |
der rnam par snang mdzad 'khor los bsgyur ba sogs dkyil 'khor chen po mtha' yas par gyur | rgyal po la dbang bskur bas de nyid du zung 'jug gi sku 'grub ste | de la rgyud thams cad gtad des kyang rgya cher spel | rgyud rnams glegs bam du byas mthar btsun mo'i tshogs dang lhan cig mi snang bar gyur te longs spyod rdzogs pa'i skur gyur skad |
de nas bzung rnal 'byor gyi dbang phyug pho mo mang po la brgyud de gdod nas bzhugs pa'i rnam snang chen po sogs mngon byed thabs kyi nye lam rgya cher dar bar gyur cing | gzhan yang ston pa mchog gi 'phrin las kyi rnam rol dpal rdo rje rnal 'byor ma dang | gsang ba'i bdag po | 'jam pa'i rdo rje sogs sku'i rnam pa mtha' yas pas grub pa'i dbang phyug so so la gsang chen theg pa'i nye lam stsal ba la brten nas gnyug ma rang byung lhan cig skyes pa'i ye shes mngon du gyur te mig 'phrul ltar grol ba'i skal bzang sngags rig 'dzin pa ni shin tu mtha' yas pa byung la | de dag kyang sngags kyi gzhan stong dbu ma chen po rang byung bde stong lhan cig skyes pa don dam pa'i rnam kun mchog ldan gyi ye shes thabs mkhas zab mo'i lam gyis mngon du byed pa 'ba' zhig go | |
khyad par bla med rgyud kyi rgyal po dus kyi 'khor lo'i gsang sngags kyi nye lam rang re'i me tog lha babs kyi chos skal lags pas de'i tshul yang | 'jam dpal gyi mtshan yang dag par brjod pa las | dang po'i sangs rgyas rgyu med pa | | ye shes sku ste rang byung ba | | mchog gi dang po sku gsum 'chang | | sangs rgyas sku lnga'i bdag nyid can | | zhes gsungs pa'i dgongs pa dang gcig par | dus 'khor gyi rgyud las kyang | phyag rgya chen po mi 'gyur bde | | 'gyur ba med las 'khrungs pa'i sku | | dus kyi 'khor lo de la 'dud | | kun mkhyen ye shes sku zhes pa | | zhes gsungs pas mdo don mthar thug gnas lugs bde gshegs snying po gang de sngags bla med kyi skabs 'dir ni mchog gi dang po'i sangs rgyas 'dus ma byas pa rang byung ye shes kyi sku gsum mam lngs'i bdag nyid can phyag rgya chen po mi 'gyur ba'i bde ba mchog gi rang bzhin kun mkhyen ye shes kyi sku dus kyi 'khor lo gzhi 'bras dbyer med kyi ngo