[A:206] la sbyor drug dang | gzhan du ma la chos bka' rgya cher gnang bar mdzad |
dgung lo re gcig skabs bla ma dkon dpal sogs la sbyor drug dang zab chos gzhan yang mang po gsungs shing | dgung lo re gnyis su gdung yangs bla ma smon lam sogs kyi chos tshan la sbyor drug dang | 'dzong bo bla ma sogs grwa tshang mang po la dus 'khor dbang chen sogs rgyud sde du ma'i zab dbang dang | gzhan yang chos bka' ci rigs pa gsungs skabs zhal nas | nyams len la dran shes yod med kyi sgo nas 'bad dgos tshul | bla ma nyid sgo thams cad nas mnyes par byed dgos tshul | bya spyod thams cad byang sems kyi mdzad sgo ltar lam dang sbyor dgos tshul | 'jig rten gyi spyod pa kun nas spangs dgos tshul | khyad par byang chub kyi sems 'di mdo sngags gang gi skabs su gal che tshul sogs kyi zhal gdams snga phyi kun tu bar bar yang yang gsungs |
dgung lo re gsum du a skyong sprul sku bstan grags | rgya sprul | se sprul sogs kyi chos tshan la sbyor drug dang | yang sgos sprul sku gsum sogs la bsnyen rdzogs | 'dus sde spyi la rin 'byung gsungs skabs tshe mi rtag pa'i gnas tshul 'tshogs bshad dang khyad par slob bu 'ga' la zhal gsung | da ni rang yang tshe yun ring ci tsam yod mi shes pas kho bo'i gos bzang po re yod pa tsho rnam dkar rten bzhengs kyi yon la phul nas gtsang dag byas na dga' 'ma snyam tshul gyi gsung gleng zhib rgyas dang | khong gi sku tshe gang po'i kun spyod kyi tshul dang | slob bu rjes 'jug dag gis dam pa rnam thar la mig ltos byed dgos tshul | bla ma sgrub pa'i mchod pa 'di ches khyad par du 'phags tshul | tshul khrims spyi dang khyad par rdzogs rim bde stong gi gzhi rten lus bcud dwangs ma lhag par bsrung dgos tshul | khong gis bshes gnyen gyi bya ba byas zin tshul | slob bu rnams kyi tshe gang gi 'gro tshul sogs zhal ta snying gi bdud rtsi dus su brtse bas legs gnang mdzad la | dgung lo re bzhi par khra bla ma mchog sgrub sogs kyi chos tshan la sbyor drug dang | gzhan slob 'ga' la nai gu sogs kyi dbang khrid dang | 'di'i sngar lo tsam na bla ma tshogs gnyis rgya mtsho sogs la sgrol ma rnal 'byor ma'i rgyud 'grel gyi bklag lung sogs snga phyi ci rigs par chos bka' rgya cher gnang ba dang | dam pa 'di'i sku ring la sku gsung thugs rten legs bzhengs kyi rnam par dkar ba'i mdzad sgo yang mi dman tsam yod cing | 'di lor khong la zhabs brtan rim gro yang bzang rab mdzad |
dgung lo re lnga son skabs su spyir ni khong gis lo bstar gyi chos bka' rgya cher gsungs dus su chos mtshams la slebs pa na lo phyi mar chos mjug lus pa'i tshul du gsung gnang mdzad srol yin na'ang 'di'i sngar lor chos mtshams 'jog pa'i skabs la ni chos mjug yongs su rdzogs pa'i zhal gsung gis der gnas kun la the tshom bskyed cing | 'di lor yang gtsang chen pho brang du a skyong sprul sku sogs sku