[A:207] skyes gsum la sbyor drug gi zab khrid kyi mjug rjes khrid yan rdzogs par byas te rang rang dang 'tsham pa'i lung bstan zhal ta bcas kyi de dag gi thugs 'dod zi bzhin skong bar mdzad bzhin rten bzhengs gang dag gi 'phro yang gtsang grub tu zin par byas te khong gi zhal nas | slob bu dag la | da ni bsam pa grub cing shi song na'ang bsam rgyu med | kho bo'i snang ngor nyams rtogs rnams kyang je rgyas su song ste chos 'byung bsnol ma 'ba' zhig tu thabs shes kyi lha sku bsam mi khyab pas go mtshams med par gang nas nyin mtshan 'khor mo yug tu song 'dug gsungs | de mtshams nas sku bsnyung tshul bstan te sgrub grwar phebs nas sgrub sde ba kun la zab khrid ci dgos gnang nas sgrub khang gong du bzhugs skabs zhabs brtan bsrung rim rgya cher bsgrubs pas re zhig khams dwangs tshul mdzad | ( spyi lo 1910 | rab lo 15.44 ) lcags mo yos lo de'i zla ba bcu pa'i tshes bcu dgu'i nyin | zhal nas | de ring 'u cag sgrub sde ba kun gis bag yangs skyid po'i sgo nas bza' btung lhan du bya zhes gsungs pa ltar dpon lhan rgyas nas zhal ston bka' mol zhib rgyas kyi mthar nyin de'i dgong mor slebs tsam na sngar sku chings bkrol mi srid kyang de nub bkrol nas sku seng ge nyal stabs kyis bzhugs te rlung bum can gyi sbyor ba'i ngang hig ces brjod pa dang mnyam du spyan 'bras gyen du bzlog nas thugs 'od gsal dbyings su g.yo med du snyoms par zhugs te sku la sngar las bkrag mdangs cher rgyas bzhin zhag bdun la thugs dam du bzhugs | de nas thugs dam legs bkrol skabs steng dang 'og nas dkar cha dang dmar cha rim pas byung zhing mkha' la 'ja' sprin gyis gang ba sogs kyi rtags mtshan dang bcas sku gdung gzims khang du spyan drangs nas gshegs mchod zhugs 'bul gdung rten legs pa sgo gang thad nas mdzad pa rgya che ba'i tshul sogs ji bzhin rnam thar logs na yod pa las byung ba ltar dang | gang gi slob tshogs kyang skyes bu dam par gyur pa a mgon bla ma ngag dbang bstan pa gsal byed | gdung yangs bla ma smon lam | ka thog bla ma ngag mchog gtsang pa se sprul sogs bstan pa'i rtsa lag bla sprul mang po byon no | |
gtsang chen gyi rdo rje slob dpon lnga pa kun dga' mkhas grub dbang phyug
5. gtsang chen pho brang du sgrub brgyud 'dzin pa'i rdo rje slob dpon lnga pa kun dga' mkhas grub dbang gam mtshan gzhan ngag dbang don ldan dpal bzang po'i lo rgyus ni | 'khrungs yul 'dzi gzhung gi char gtogs rab kha zhes par yab zhi khro skyabs dang yum bkra shis skyid gnyis kyi sras su ( spyi lo 1862 | rab lo 14.56 ) chu khyi'i lor sku bltams | sku na phra ba'i dus nas rigs phun sum tshogs pa sad la nye ba'i dbang gis nub re bzhin rmi lam du nam mkha' nas rdzu 'phrul mnga' ba'i mi lwa dkar can zhig 'ong nas des thag pa dkar po bskyang ba la 'jus nas mkha' dbyings mthon por song ste dag ma dag gi zhing sna tshogs su 'gro nus pa la nub cig rmi lam du rang khyim gyi nye 'dab thang du rang gi ma sogs