[A:213] tshe ring ma sman 'bum gyi 'khor tshogs bcas me tog gi gur khang rgya che bar gser gyi khang pa gru bzhi pa'i nang du yod cing | ngang pa'i gshog ldeb thad kyi gangs ri zhig tu lha ma'i longs spyod gang dgos kyi gter chen po dang | rdo rje drag rgyal nang 'phags pa'i gnas brtan mi phyed pa zhal shar du phyogs pas 'khor dgra bcom tshogs la chos ston pa 'di'i gnas bdag drag tgyal ma ni rma chen gyi btsun mo zhig gi tshul dang | gzhan yang gnas der ri 'ga' zhig tu go mtshon thogs pa'i dmag sde dang 'ga' zhig tu khyu dkar bong nger yod pa sogs sna tshogs pa'i 'char sgo 'di dag nyams snang yal yul tsam du ma zad par gnas tshul dngos gnas kyi bkod pa ji bzhin gzigs pa der bzhugs zhag bdun ring rgyun du snang ba ma nub par byung |
dgung lo so bzhi'i dus gtsang pa'i sgrub khang du lo gcig la sbyor drug nyams len mdzad | dgung lo so lnga'i skabs 'phags mchog Arya pA lo'i rnam 'phrul bstan mkhas kyi yon tan mnga' ba shAkya'i dge slong karma nges don rgya mtsho'i mdun nas | rab byung dang dge tshul slong gi sdom pa legs mnos mdzad de | mtshan kun dga' mkhas grub dbang phyug tu gsol | de rjes dam pa gang nyid kyi drung du byang chub sems sdom yang zhus shing | de nas bzung thun mong so thar sdom pa'i bcas mtshams legs dag byas par ma zad yhun min sngags kyi thig le 'dzag med la brtan pa thob pa'i tshul khrims khyad par ba ches dag pas sku sha gzhon nyams rgyas shing ba spu'i rtsa bar 'od mdangs byung ba dang sha'i drod rlangs sogs la dri bzang po'i mgad 'thul ba bud med la 'khrig pa'i mi gzhan nye 'khor du 'ong ba la dri ngan gzhan las lhag pas thugs zhen log pa sogs sgo gang thad nas khyad du 'phags shing gzhan phan gyi thugs rgya ches rlabs che ba zhig go | |
dgung lo so drug bkra shis lha ri'i dben gnas su rdo rje 'chang ngag dbang chos 'dzin zhabs pa'i drung nas nai gu chos drug gi zab lam nyams len mdzad skabs kun rdzob rnam shes kyis bsdus pa mtha' dag ming rkyang btags yod tsam dang rang bzhin gnyug ma ye shes kyi snang cha gang dag don dam mnyam pa chen po'i tshul rang lugs kyi nges gsang rnyed |
dgung lo so bdun skabs dben gnas de nyid du khong gis dol po'i bka' 'bum gyi bklag lung gnang skabs nye gnas sangs rin la gdams skor du slebs tshe sngon sku 'bum nang du kun mkhyen chen pos zhal gdams de lugs ltar gnang tshul thugs la wal gyis shar te dad gus rgya che bas dbang med du bskyed de klog gsung ma nus par reb tsam la dpon slob thams cad thugs gting nas 'gyur te dad pa'i shugs kun nas 'phel zhing yid dag snang gis dus 'da' ba byung | 'di skor gong 'og ci rigs su khong nyid dben gnas der bzhugs nas mtshams sgrub la gzhol skabs nyams rtogs klong rdol te