[A:215] kyang brgya 'gyur gyis 'od gsal zhing dwangs pa'i rang bzhin sngo sang der gyur cing rang lus 'od kyi gong bur mthong ste dbu ma ye shes kyi dbyings su kun rtog spros tshogs mtha' dag bcom pa'i nyams kyi 'char sgo 'dra min mang po dang khyad par ba'i dga' chen shugs ngar ba zug ngu zug pa bzhin myong ba'i sgo sna tshogs sogs rang lus stong gzugs kyi 'ja' lus su red la nye ba'i lam rtags ches 'gangs che ba dus su yang yang mngon du gyur |
dgung lo zhe lnga par ngag dbang chos 'byor zhabs pa'i mdun nas | rje btsun rin po che'i bka' 'bum las byung ba'i rgyud sde rab 'byams kyi dbang bka' yongs su rdzogs pa gsan par mdzad pa sogs nas dgung lo zhe dgu'i dus sku cung zad bsnyung rkyen slar rma chen gangs gnas su bton nas zla ba drug tu sku mtshams mdzad pa na sngon lha bzo rdo rje 'chang gi lung bstan bzhin gzhi'i 'od gsal sngar las ches gsal ba'i sgo nas spros tshogs kyang sngar ltar phra ba gang dag las mtshan ma'i char gtogs ches mang po zhig gzhi nas sangs te shin tu mtshon par dka' ba'i gzhi dbyings mchog gi srid gsum dwangs pa'i rig pa dag chen sngo sang 'jig rten na dpe zla kun dang bral ba'i rnam par shes pa'i rgyal khams las brgal ba'i ches shin tu'ang 'od gsal zhing dwangs rang byung 'dus ma byas pa'i ye shes kyi rgyal khams chen po'i gzhi tshugs pa'i mgo bzung ste dbyings snang gang de 'khor ba'i blo dang rigs ye mi mthun pa'i mthong tshul 'di 'dra da snga yan rang gi yid la shar tsam yang ma myong ba 'di ci snyam pa byung zhing | de ka'i ngang du zhag 'gar mnyam par bzhag pa na stong gzugs kyi snang ba rab 'byams ches dwangs shing phra ba'i dbang gis re zhig yod pa nges mi nus pa tsam du gyur cing de mtshams shig nas gnyug ma gshis nas shar ba'i rang byung don dam pa'i dang po'i sangs rgyas bde gsang 'jigs gsum sogs yi dam rgyud sde rgya mtsho'i rnam bkod mtha' klas pa chos dbyings 'od gsal rang gi sdod lugs kyis dngos gnas ji bzhin pa shar bas rang lugs kyi lta ba la yid ches gting zug tu song zhing de skabs sngar lha bzo rdo rje 'chang gis ma 'ongs gnas lugs mngon gyur lung bstan gyis ngo sprod tshul dang re'i nang du mchod cha'i rigs la 'dzem par gsungs pa 'dir dus su babs nas lta ba lam du slong zhing 'dzem cha ji bzhin ma byung bas khong gi sku tsha grongs pa'i rkyen du song |
dgung lo zhe dgur slebs dus rang yul 'dzam thang du phebs nas bzhugs skabs gtsang pa'i rdo rje slob dpon ngag dbang chos 'byor zhabs pa sku dag zhing du gshegs pa nas bzung khong gis gtsang pa'i rdo rje slob dpon gyi rgyal tshab dam par mdzad nas dus kyi 'khor lo'i dbang bka' bskyed rdzogs sogs gsang chen chos kyi mdzod sgo legs phye mdzad de sgrub sde ba phan tshun sogs rdo rje slob ma gang dag la rang rang dang 'tsham pa'i zab chos kyis re 'dod rim pas skong bar byed pa ste de la thog mar dgung lo lnga