[A:216] bcu'i steng 'dus pa brgya phrag tsam la sbyong rgyud kyi dbang cha tshang gsungs shing 'di lor gsang 'dus 'jigs byed kyi blos bslangs bzhengs |
dgung lo nga gcig tu dus 'khor dbang chen sogs rje btsun gyi gsung 'bum yongs rdzogs kyi bklag lung dang | de'i ston kar du phebs nas grwa tshang mang po la rdo rje 'phreng ba'i dbang bka' cha tshang gsungs | dgung lo nga gnyis par 'dzam ngos bla ma ngag dbang sogs 'dus pa brgya phrag lhag la gshin rje rab 'byams yongs rdzogs dang | 'jigs byed ro langs brgyad skor | zhang lugs gshed nag bcu gsum ma | bi rus pa'i lugs kyi bshed dmar lha lnga'i dbang rnams gsungs |
dgung lo gsum son skabs ( spyi lo 1914 | rab lo 15.48 ) shing stag gi lo ste de'i lor 'dus pa brgya phrag lhag la bde mchog rab 'byams cha tshang | lU dril nag gsum sogs zab dbang nai gu'i skor dang rnal 'byor ma'i skor sogs ma gtogs chos bka' rgya cher gsungs shing | lo der rgyal ba'i bka' chos glegs bam brgya rtsa bdun dngul srang stong dang brgya phrag gcig gi yon gyis blus te chos ston zhabs 'degs gang dgos sgrub cing | de min rten bzhengs yang dus 'khor sogs rgyud sde du ma'i bris thang yig drug dung 'khor dang jo dar stong phrag | rgya bla ma'i sgrol ma'i mchod rten bre yan chad zhig gsos sogs dang | nyid kyis yi dam mang po'i bsnyen bzlas | gshin po'i rdzas 'brel dag chud zos su mi bdang ba sogs rnam dkar don ldan gyi bgyi ba 'ba' zhig gi mthar khong gis bzhengs pa'i bka' chos kyi steng nas dam pa'i skyes bu du ma la bklag lung gnang nas mdo 'dul ba gnyis rdzogs mtshams shig nas zhag shas la sku cham lta bu'i khams cung mi bde ba tsam zhig yin pa la lo de'i drug pa chu stod zla ba'i nyer bzhi'i nangs mor je thur song zhing snga dro tsam nas lta stangs g.yo med kyi ngang nas gzhi'i don dam 'od gsal gyi dbyings su gang thugs gnyis med ro mnyam du gyur te 'phral du gzugs sku'i bkod pa legs bsdu mdzad nas zhag 'gar thugs dam du bzhugs shing de las bzhengs pa'i rtags mtshan legs bskul dgongs mchod rgya che ba dang bcas gdung la zhugs 'bul legs ltas gdung rten sogs rnam dkar bsod nams gzab ldan gyi bgyi ba gang byas tshul rgyas pa nyid kyi rnam thar logs su yod pa ltar dang | gang gi thugs slob yang skyes bu dam pa ngag dbang dkon mchog bstan pa dar rgyas | ngag dbang blo bzang chos 'phel | mgar bla smon rab sogs bstan pa la phan thogs pa mang du byon no | |
bar 'dir lo 'ga' zhig gi ring gzims khang du rdo rje slob dpon ji bzhin bsko bzhag byung bas de bar la dge skor bla ma ngag dbang bstan 'dzin grags pa dang 'dzam ngos bla ma kun dga' ngag gi dbang po rnam gnyis kyis gzims khang sgrub grwa tshun gyi sgrub pa gang dag la rang rang dang 'tsham pa'i zab chos ci dgos kyis legs bskyangs mdzad de lo 'gar rdo rje slob dpon gyi bya ba byas na'ang de gnyis