[A:217] kyi sku tshe phal che bar rang gnas chos sde dkon pa dang ri khrod so so la rgyun bzhugs kyis rang rang gi slob tshogs rjes su bzung ba las gtsang chen pho brang du bsko bzhag gi sgo nas rtag par bzhugs te sgrub brgyud kyi gdan rabs khong gnyis kas ma bzung bas 'dir dam pa de gnyis kyi lo rgyus re zhig bzhag nas 'og rang re'i chos sde'i gdan sa ba so so'i skabs su nyung tsam 'chad par 'gyur la | |
gtsang chen gyi rdo rje slob dpon drug pa ngag dbang bstan pa gsal byed |
6. da lan skabs su babs pa gtsang chen pho brang du sgrub brgyud 'dzin pa'i rdo rje slob dpon drug pa ni ngag dbang bstan pa gsal byed ces bya ba ste de'i lo rgyus yang 'di nyid 'khrungs yul 'dzi stod kyi phyogs char a mgon zhes par ( spyi lo 1878 | rab lo 15.12 ) sa stag gi lor dam pa 'di nyid sku 'khrungs shing de nas na tshod cher smin gyi dus su klog yig rang yul gyi srol bzhin legs par bslabs pas klog 'don la mkhas par gyur nas dgung lo bcu bdun gyi steng 'dzam thang gtsang chen gzims khang pho brang du rdo rje slob dpon chen po ngag dbang chos 'byor dpal bzang po legs bzhugs kyi drung du phyin te rdo rje 'dzin pa mchog de nyid dam pa 'dis bla ma rdo rje 'chang du gus pas bsten nas zab lam rdo rje'i rnal 'byor gyi thun mong gi sngon 'gro skyabs 'gro nas bzung bla ma'i rnal 'byor bar sngon 'gro 'bum lnga zhes grags pa'i khrid lung mtha' dag legs gsan gyis nyams len mdzad cing | de nas thun min gyi sngon 'gro dus 'khor lhan skyes kyi bsnyen bzlas dang mchog dbang sdom pa 'bogs pa'i skabs kyi mtshan ngag dbang bstan pa gsal byed yin la | de nas dben gsum sngon du 'gro ba'i sgo nas dngos gzhi sbyor ba yan lag drug dam pa gong ma'i phyag bzhes bzhin lo gsum gyi ring dam pa 'dis bla ma de nyid las legs gsan gyi sgo nas ji bzhin nyams su len pa'i skabs su nyams myong yang bzang rab tu gyur cing de dag gi skabs su rje dpal ldan bla ma de nyid kyi mdun nas dam pa 'di la chos bka' thob rim sbyor drug gi nyer mgo'i dbang lung man ngag cha tshang dang gzhan yang mtshams mtshams su khro rgyal rdo rje shugs kyi rjes gnang | chos skyong gur | mgon po phyag drug pa gnyis kyi rjes gnang | yi dam 'byung 'dul | rta mgrin gyi rjes gnang | 'jigs byed ro langs brgyad bskor gyi dbang dang | nai gu'i dbang bka' yongs rdzogs sogs chos bka' mang po zhig yod la | de nas bzung lo dus bzhin dpal ldan bla ma de nyid kyi drung du | dam pa 'dis bskyed rim gyi rigs 'byung 'dul nas mgon po brang rdzong ma'i bar gyi dbang lung man ngag zab khrid mtha' dag legs mnos kyi sgo nas bsnyen sgrub tshad ldan re re mdzad cing bar bar rnams su bla ma mchog gi mdun nas | dam pa khong gis rjes gnang brgya rtsa | sgrub thabs rin 'byung gi dbang bka' sum brgya dang gcig | rdo rje 'phreng ba'i dkyil 'khor zhe brgyad kyi zab dbang rnams dang | rgyud sde rab 'byams yang bde mchog rab 'byams dkyil 'khor bco brgyad | lU dril nag gsum mkha' 'gro rgya