[A:223] rtog pa mchog dman bzang ngan gtsang btsog sogs kyi zhen sgo a 'thas mtha' dag rang gshis nas rang dwangs su song ste sku sngar dang ye mi 'dra bA'i ngang tshul gyi spyod lam nyid kyis gnang ba'i skabs dang sku tshe stod smad kyi tshul gnyis byung la | de yang spyod tshul snga ma'i mtha' la nyid dgung lo don gnyis kyi steng du rdo rje slob dpon gnyis pa rdo rje bzang po sku gshegs nas rdor slob gsum pa dkon mchog dar rgyas khri la 'khod | lo der rje bla ma mchog gi gzims khang du bla grwa ches mang rang sogs bcas la dus 'khor dbang chen dang | bzlas lung sna tshogs pa re sogs chos bka' zab mo'i bka' drin che ba mdzad | sngon khong gi sku tshe stod cig tu thugs snang la bla ma zhwa ser can gyi rnam pa'i zhal gzigs kyis sman bla mdo chog rgyun ldan du mdzad pa yin la | sngon mgo log phyogs su dus zing che skabs 'dzi yul 'di phyogs kun kyang 'jigs snang gis 'ur zing cher bskyod pas gtsang pa'i sgrub sde ba kun gyis thun 'jog mtshams byed par chas tshe'ang rje nyid kyis da lam 'di phyogs la 'tshe ba med nges kyi bka' lung gis de dag kun gyi 'jigs snang legs bsal byas te sgrub grwa pa sogs bag phabs nas rang rang gis mtshams sgrub la rgyun ldan du 'jug par byed pa sogs mdzad pa bzang po snga phyi gang du mang mod kyang de tsam las khungs ma rnyed |
de nas sku tshe smad kyi mdzad pa gong smos bzhin la rim pas gnas te nyid kyi sku gsung thugs kyi rnam pa sngar dang mi 'dra ba'i gnas skabs tha dad par gyur pa nas bzung khong nyid gtso bor rgyun bzhugs kyi gnas rang yul gyi ser sde'i 'du khang du mdzad nas der lo 'ga' bzhugs pa'i ring nyid kyis sku'i spyod lam phyi nang kun tu nges med du byon zhing gsung gis brjod sgo yang bar bar dag snang gi tshul du ma dang bar 'gar lkog gyur gyi gnas 'ga' zhig dang la lar nges med kyi gsung sgo sna tshogs sogs mtshan 'dzin spangs pa'i 'khrul zhig gi mdzad sgo de lugs ltar te | de yang spyod pa de 'dra'i mdzad pa la khong nyid legs gnas kyi sgo dod pa nas thugfs kyi 'dzin pa ches lhod pa'i rnam pa can gyis gang la'ang zhen pa med par rgyu rdzas bza' bya gang yod thams cad phangs pa med par khong gis gang dgos gzhan la sbyin 'dod shugs che ba dang bza' bya gang yod bya khyi sogs nyid mdun du gang 'ong ba'i nyam thag rnams la ci dgar 'gyed pa dang | bar bar zhal nas | thub bstan dge legs rgya mtsho | ngag dbang chos 'byor | tshogs gnyis rgya mtsho sogs skyes chen mang po dngos su byon yod tshul yang yang gsungs shing | bar 'ga' rer | zhal gsung las | 'o da tshod 'di na 'dre mo rdza mdos ma thon yod | khong gis bde chen zhing du 'phen par bya'o | | zhes gsungs nas phaTa sgra mdzad pa ltar don ji bzhin gyi shi ba'i rgan mo gshed can gyi ro khong gi nye 'khor du thon pa dang | 'dzam thang gi rten khang dmar