[A:222] de nas dus bde'i skabs kyi slad mar yang rje khong nyid kyis sngar bzhin gtsang pa'i gzims khang sgrub grwa tshun gyi chos grwa pa gang pa gang dag la brtse gzigs mi lhod pa'i ngang nas chos bka' ci dgos nye bar stsal bzhin bzhugs la | rje khong gis sngon zhig tu gtsang sde'i ta tshe'i chung ma shi pa gshed dang bral dka' ba'i dus su bka' brgyad gto sgrub kyi 'dul mdzad pas gshin po gshed dang bral nas bde gnas su phyin par byas pa'i lo rgyus sogs de 'dra yang 'ga' re yod |
de lta bu'i sgo nas khong dgung lo drug cu'i nang skor sogs nas nyid kyis sgrub pa thugs dam gtso bor mdzad kyi ngang bar bar chos bka' ci rigs pa yul ba'i 'dus khang du rje mchog gis slob bu blo gros rgya mtshos zhu sna drangs te rang sogs 'dus pa cung mang la | 'jigs byed ro langs brgyad bskor gyi dbang dang | nai gu'i bka' phyi nang yongs rdzogs | phur pa | rnam 'joms khro nag | tshe dpag med lha dgu | mgon po khro bcu'i dbang sogs dang | de skabs ci rigs su 'jigs byed bsnyen chen man ngag rta khal ma lag len bcas sogs chos bka' mang tsam gsungs | yang skabs shig tu gzims khang du khong gis bla grwa 'ga' la grol mchog khrid brgya | 'jigs byed rwa pod | mgon po'i po ti me 'bar | kun mkhyen yab sras bco lnga'i rnam thar | gtsang pa dge slong gi rnam thar sogs lung rgyun dkon pa'i chos bka' du ma zhig kyang gnang |
dgung lo re brgyad skor du khong gi rmi nyams su ngag dbang tshogs gnyis rgya mtsho byon nas dril bu zhig gnang ba rje nyid kyis dkrol tshe sgra skad snyan cha dang ldan pa'i thugs snang btyng ba'i rten 'brel la brten nas nyid kyis gtsang pa'i gzims khang du lo 'ga' zhig gi ring la bslab pa yongs su sbyong ba'i dge 'dun gyi dbyar gnas btsugs te de dag gi skabs bar bar kha phud mchod pa sogs la lcags spu skyes pa'i legs mtshan byung zhing | sngon yang skabs re rer rje gang nyid grwa tshang 'tshogs pa'i khri pa dang | dus dmag bzlog pa'i gto sgrub kyi dbu blar mdzad pa sogs sgo gang thad nas bstan pa la phan thogs che ba can te | khong gi zhal snga nas | nam zhig kho bo'i ro dud gnam la ma 'phyur bar dus kyi dmar dmag phyi mas bstan 'gro la gnod pa mi 'ong ba'i bka' lung byung ba ltar rjes sor de lugs ji bzhin thog tu khel lo | |
de ltar bstan 'gro'i dpal gyur rje gang nyid ni sku tshe stod du sku btsun zhing thugs sgam pa gsung btsan drag dang ldan pas bla grwa gzhan sku 'khor du gang yod tshad zil gyis gnon nus pa'i skyes bu dam pa mi'i seng ge lta bu zhig gi mdzad tshul gang nyid kyis gnang zhing sku tshe smad dgung lo bdun cu'i nang skor zhig nas rje nyid grub thob 'khrul zhig gi spyod pas bzhugs te thugs la gang shar lhug pa bcos ma spangs pa'i sgo nas zhal nas rang dgar shugs 'byung du gsung shing thugs nyid mtshan mar 'dzin pa'i