[A:226] dbang rdo rje bzang po zhes gsol zhing | de rjes dben gsum gyi khrid bla mas 'bogs shing byin rlabs 'bebs pa dang bcas khong gis lus gnad mnyam bzhag byas ma thag nas sems ngo gnas 'gyur rig gsum ngos zin tsam gyis ma tshad par sngon goms shugs btsan po'i dbang gis 'od gsal gnyug ma sems kyi gsis ches rab tu gsal ba'i ngang nas rig pa rjes char ba dngos gnas la mnyam par 'jog thub pa'i sgo nas 'od gsal rtags bcu'i snang ba ches kun nas mched bzhin grub chen spyod 'chang dbang po'i zhal gzigs kyi rnam pa stong gzugs sgyu ma'i rang bzhin du mthong ba sogs kyi nyams len gyi 'char sgo ha cang rgyas pa nas bzung dngos gzhi sor bsamgnyis de 'dra'i nyams snang gong 'phel gyi ngang nas bla mas ji skad gdams pa ltar nyams bzhes gnd khel gyi skabs nyin cig tu khong gi thugs snang ngor ston gnam g.ya' dag gi snang ba spros pa rang dag gi ngang du dar cig lus pa na dbyings de'i rang gshis ma nyams pa de ka'i ngor mkha' dbyings kyi dkyil nas tshe sngon gyi bla ma kun dga' nges don dpal bzang po'i gzugs sku stong gzugs kyi rnam par mjal nas de phan chad du bar bar mnyam bzhag gi skabs nam mkhar ser 'phreng shar nub nas bsgrig pa'i dbus su 'od snang glog 'khyugs lta bu'i rjes su dag snang sprul pa'i bshes gnyen kun dga' nges don gyi gzugs sku seng khri pad zla'i gdan la chos gos dang mkhan zhwa sku la gsol te phyag gnyis kyis rdor dril dar sna lngas nye bar mdzes pa bzung bzhin g.yas g.yon ser 'phreng gis bskor te mdun mkhar bzhugs shing dus kyi 'khor lo'i mchog gi dbang gong ma bzhi legs bskur mdzad skabs slob bu khong nyid kyi snang bar bar nyid stong gzugs dus kyi 'khor lo'i sku ri rab tsam pra phab pa'i rang bzhin ltar snang ba la thogs rdug sogs bem chos las 'das pa'i bdag nyid blos bcas byas la ma ltos pa'i rang gsal stong pa'i gzugs kyi rnam par bkra ba sogs kyi 'char sgo byung zhing | de mtshams bar bar rnams su khong gi mnyam bzhag skabs rje sprul pa'i bshes gnyen gang nyid gangs ri dang rdza ri sogs nas byon snang shar la de yang rnam par 'phrul pa chen pos seng ge rta sogs la chibs pa dang nyi zer zla ba'i zer la chibs pa'i rnam pa sogs sku'i sprul bkod bar bar 'dra min gyi cho 'phrul 'gyed pa yang yang byung ba'i rkyen gyis sngon gnas gangs dang rdza khrod sogs sgrub gnas sna tshogs sems la wal shar bas skyo shas mig chu khol ba'ang byung | yang bar mtshams rer rje dag snang las shar ba'i bshes gnyen rdo rje 'chang de nyid slob bu khong nyid kyi spyin bor zhugs te lus kyi rtsa 'khor la brgyud nas snying ga'i rtsa 'khor nang du bzhugs te gsung mgur legs bzhengs kyi thugs snang dang | yang rje bla ma'i zhal gzigs kyi snang ba'i bka' las | khong gi thugs kar sems gtod cig | | ces pa ltar byas pas skad cig de nyid la bla ma rje'i thugs dgongs gtad pa'i stobs kyis mkha' dbyings su dus kyi 'khor lo drug brgya so drug gi rten dang brten pa'i dkyil 'khor yongs rdzogs pa bkra