[A:232] sbyangs pa skyabs mgon gyi dngos slob na nub rtogs pa'i dbang phyug rje dam pa dag gi rnam par rol pa'i thugs las dam pa mchog gang de nyid snyigs ma'i dus su gsang sngags bstan pa yongs spel gyi 'gro ba'i mgon du slar nye bar byon pa ste 'di nyid kyi dgung lo zhe gnyis skor du lha tshe sprul pa'i sku mchog gi drung du khong gis dkon mchog spyi 'dus kong sprul gyis mdzad pa'i steng nas zab dbang legs nod kyi sgo nas lo der mtshams bsnyen gnad khel gyis rtags mtshan kyang khyad par ba byung la | 'di skor gong 'og ci rigs rnams su nyid kyi thugs snang du bar bar la khong nyid sngon ras pa dam tshig rdo rje yin dus kyi sku sgyu 'phrul la dbang thob tshul wal wal ches gsal ngor ri bo mthon po'i thog tu khri zhig gi steng na gdugs phubs pa'i 'og tu khong nyid bzhugs pa de'i mdun mtsho che ba zhig yod pa nas bud med mdzes ma lha mo'i rnam pa zhig thon te phyag gnyis kyis dung dkar zhig phul te khong gis de legs 'bud byas pas dung sgras phyogs kun khyab pa'i gsal snang byung ba ltar rjes sor chos kyi khri la rdo rje slob dpon du bzhugs dgos byung la | dam pa mchog gi thugs nyams su rje btsun sgrol ma nyer gcig gzigs snang dang | rdo rje 'chang sprul pa'i bshes gnyen gong smos bzhin dang | rje ngag dbang chos 'dzin zhabs dang | rtsa ba'i bla ma kun dga' mnyam nyid dpal bzang po sogs rdo rje 'dzin pa bka' drin can mang po'i zhal stong gzugs sgyu ma'i rnam par yang yang mjal ba lags te | tshul de lugs kyi rang gnas bla ma'i gdan sar thugs sgrub pa la gtso bor gzhol bas mnyam bzhag dam pa'i spyod pa la rgyun gnas kyis bzhugs shing dgung lo zhe gsum gyi steng du sngar khong nyid kyi rmi ltas gsal ba'i legs mtshan ltar dang 'dir yang khong gi chos mched dam pa zhig gi mnal lam du'ang sgrub gnas ri khrod du sgron me gsal po zung cig yod pa de mi nag po zhig gis gzhan du gdan 'dren mdzad par rmi nyams byung ba de ltar du rje dam pa gang nyid kyi bstan 'gro la phan pa'i legs sgo dus su babs pa la nye ba'i skabs su lo 'di mjug tsam la 'dzam thang gtsang chen gong ma'i sku ngo sogs kyi bka' bkod la brten nas dgung lo zhe bzhi'i steng tsam na rje dam pa mchog de nyid gtsang pa'i gzims khang du rdo rje slob dpon gong ma'i rgyal tshab gnyis pa lta bu'i tshul du mnga' gsol mdzad de gzhan phan gyi mdzad sgo tshugs pa nas bzung rim pas khong nyid kyis chos grwa kha tshang la thugs khur bzhes dgos byung ste lo bstar bzhin gyi gzims khang dang sgrub grwa bcas phan tshun sgrub pa'i sde gang dag yod pa rnams la rang rang dang 'tsham pa'i dbang lung khrid kyi chos bka' gang dgos thams cad rim pa bzhin dam pa 'di nyid kyis mdzad dgos byung ba'i ngos nas gzims khang du sbyor drug pa'i chos tshan dang po 'od ldan sogs kyi skor la khong gis sbyor drug gi chos skor nyer mkho mtha' dag legs stsal dang chabs cig sgrub grwa gong mar sbyor drug dang 'gab mar nai gu