[A:234] dbang bka' yongs su rdzogs pa zla ba gcig tsam gyi ring la brtse ba'i thugs kyis legs par gsungs shing | dgung lo lnga bcu par sbyor drug pa bod ljongs grwa sar 'gro thub blo gros bzang sogs te 'di skor zhig nas snga phyi ci rigs par rje bla ma gang nyid kyis sngon bla ma chos 'phags kyis bzhengs pa'i dus 'khor blos bslangs dang rab kha bla mas bzhengs pa'i bde mchog nag po'i zhabs lugs kyi blos bslangs gnyis zhig gsos legs nges kyang mdzad la | 'di dag tu khong nyid kyis re zhig ri khrod nges med du phebs snyam yod tshe mnal lam 'od gsal 'dres ma'i ngang nas gsal snang la dpa' bo dur khrod bdag po keng rus gzugs kyi rnam pa zung gi tshul du byon pa de gnyis kyis dar dkar thags bzang ba re re phul bzhin zhal nas khong gnyis sgrub gnas 'di'i mgon khang du rgyun sdod yin pas khyed kyang gnas 'di las gzhan du ma byon cig ces zer nas mi snang bar song rjes phyi nyin nangs snga mor dar de gnyis sku mdun du dngos su yod skad | lo der rje khong gis 'dus pa mang tsam la dus 'khor dbang mo che dang | gcod dbang nam mkha' sgo 'byed | gzhan 'don cha mang po'i bklag lung rnams legs gnang mdzad |
dgung lo nga gcig tu sbyor drug pa g.yu thog mgo log sprul sku sogs yin zhing 'di rje dam pas sgrub gnas mgon khang zhig gsos khyad mtshar ba mdzad pas spyir sngar dus yin na lo bstar gyi chos thun pa re shi ba mi chad pa lta bu yin kyang lo 'di phan chad nas mtshams grwa pa shi rgyun chad de kun bde 'ba' zhig 'ong ba byung la | lo 'di mtshams shig nas khong nyid dar lnga'i ri khrod du phebs chas kyi skabs su rmi lam 'od gsal ngang nyid gzims khang sgo nas phyir byon pa la rjes bsnyegs kyi tshul du khyi nah dang dkar dom ltar 'phyo ba dril g.yer sogs kyi rgyan ldan nga ro mi bzad pa'i skad dang bcas sder bgrad mche gtsigs kyi 'jigs rngam dang bcas dam pa gang de gzhan du phebs pa'i bka' 'gog gis khong nyid byon pa bshol thub pa na khyi des dga' ba'i 'du khang che ba zhig tu rnga sgra gsal por bcas phebs tshe de na khri gnyis yod pa las gcig gi steng na rje sngags pa rdo rje 'chang bzhugs 'dug pa'i drug du dam pa khong nyid slebs te rje bla ma la nyid kyis da lan khong 'dir sdod mi dgos pa'i gnang ba zhus tshe rje nyid kyis mdun der dus kyi 'khor lo'i rten dang brten pa'i dkyil 'khor dngos su bstan nas zhal gsung las 'di khyod la gtad pa yin pas re zhig bar khri 'di'i steng du khyod rang sdod la sgrub brgyud spel cig ces pa'i bka' legs stsal mdzad pa'i thugs snang byung ba ltar khong nyid de lor gzhan du phebs kar ma 'dzoms |
dgung lo nga gnyis su sbyor drug pa bya bral sprul sku mnyam sogs te 'di dus su'ang nub cig