[A:235] khong gi rmi nyams su lung chen zhig gi khar thang chen gyi dkyil du me tog sna tshogs 'byams klas pas gang ba las me tog che ba zhig gi ze'u 'bru'i rtser rje bla ma sngags pa rdo rje 'chang chen po de nyid sku gcer bu'i rnam par bzhugs pa dang mjal ba'i mod skad cig de nyid la rje bla ma nyid nam mkha' g.ya' dag pa'i ngang du thim song ba'i dar cig na slar sku bstod bla ma'i rnam pa la sku smad sprin dkar gyi tshul du zhal gsal bar gzigs tshe slob bu khong gis sngar ltar gyi rang gzims khang du sdod mi thub par khyed kyi rjes su 'ong nges kyi bka' gnang zhus skabs zhal nas da dung khyod 'ong ma ran zhes gsungs nas bkas gnang ba ma stsal ba'i gsal nyams byung ba ltar rje dam pa 'di nyid dgung grangs nga gnyis las da dung lo 'gar gtsang pa'i gzims khang du bzhugs rgyu'i skal ba bzang po rgya mthongs kyi grib so tsam byung la | dgung lo nga gsum par sbyor drug pa dbang phyug rdo rje ngag dbang yon tan bzang po sogs tin cing khong gis lo der 'dus pa mang tsam ngos bcas la dus 'khor dbang chen dang | gzhan yang rgyun chos nyer mkho du ma'i bklag lung sogs slob tshogs dang 'tsham gyi chos bka' mang po zhig gsungs | 'di skor rnams su khong nyid slob bu chos tshan so so'i 'du khang du bar bar nyid sku dri bzang dang bcas zang thal gyi tshul du yang yang byon zhing rje khong gi thugs mngon shes kyis slob tshogs dag gi sems kyi 'gyu sgo dang spyod pa lkog tu gyur pa rnams kyang ji bzhin mngon gsal du mkhyen pa bar bar byung la | nyid kyi sku la tshul khrims kyi dri ngad nye bar 'phro zhing brjid chags pa mig sngar mdzes la dad pa'i dmigs rkyen byed pa'i gsung snyan pa sku gsung gi spyod pas gdul bya'i nyon mongs mngon gyur 'gog pa sogs gzhan las 'phags pa'i yon tan mnga' ba gang gis gzhan la dbang bskur dang byin rlabs mdzad pas nad sogs nyer 'tshe skad cig de la gzhom par byed pa'i nus mthu mchog dang ldan pa zhig go | |
dgung lo nga bzhi'i dus su sbyor drug pa chos bsam sogs te khong gis snga phyi kun la spyir dus 'khor dbang chen | nai gu bka' nang ma | phur pa stod las dang smad las kyi dbang sogs yang yang gzims khang dang sgrub grwa tshan la gsungs pa yin la | nyid kyis bya ba las kyi 'khor lo yang | kun mkhyen yab sras bco lnga | rje btsun sku skyes bcu bzhi | sgrol ma nyer gcig sogs kyi bris thang dang | gzhan yang gong smos dag gis mtshon sku gsung thugs rten 'ga' re bcas blus bzhengs ci rigs mdzad cing skabs shig tu khong gi sku mdun pa'i slob bu zhig gi pha rgan la glo bur du pha rol dgra bos me mda' ngar mas bsnun kyang pha rgan khos de ma thag rje bla ma nyid dran te gsol 'debs byas pas rang gi lus kyi gnad la phog kyang cung zad tsam yang gnod ma nus pa sogs de 'dra'i 'jigs skyobs 'ga' yang mdzad pa'i lo rgyus yod |
dgung lo nga lnga'i dus su sbyor drug pa chos nyid 'od zer sogs yin la 'di lo'i mtshams shig nas