[A:237] nyung shas zhag 'ga' zhig tu bzhugs mthar nyin cig zhal gsung las | sku 'khor dag la da ni rang gi snang ba la rje lha bzo rin po che dang | sngags pa rdo rje 'chang dang | ngag dbang tshogs gnyis rgya mtsho sogs 'dir phebs te bzhugs yod | de las rje sngags pa ni mtsho chen po zhig khar sku bsnyel tshul gyis bzhugs 'dug | kho bo la 'di snang 'gags shing sna bug gi rgyu ba mnyam nas zhag mang tshod tsam song | rang sems la bltas na kho la nad gtan nas med chog tsam 'dra yang gdos byas bem lus ma bor phyin ci cha yod | khyed slob tshogs kyis kho bo ma brjed par chos lam la ji bzhin gnas nus tshe nam zhig 'chi khar rang bsu ma la thon nges yin | kho bo ni bem rig bral ma thag skad cig la stong gzugs 'od gsal gyi dbyings su nges par 'pho thub pa yin pas lus khog tu thugs dam ring 'dug med tshul mtho don 'pho khrid skabs kyi srog rtsol grub pa'i rnal 'byor pa rab ltar yin pas de lugs sems 'jags mdzod | rang 'di nas skye ba gzhan du byang phyogs ka lA pho brang du rigs ldan ma 'gags pa bzhugs pa'i sku drung du thugs sras sngags rig 'dzin pa'i gral du 'gro ba yin pas da lan rang dang chos 'brel zab mo'i dam tshig ma nyams pa tsho nam zhig sngags kyi zhing mchog der dpon slob tu 'gyur nges su 'dug | ces sogs zhal ta bka' mol zhib rgyas kyi mthar lo de'i zla ba gsum pa nag zla'i yar tshes brgyad kyi nyin gzugs sku seng ge nyal stabs kyi ngang nas phyag sdigs mdzub kyis phyogs mtshams bsrung ba'i rnam pa zhig mdzad rjes hig sgra dang bcas thugs dgongs 'od gsal stong gzugs dang ro mnyam du gyur pa'i phyi nyin tsam na sku gdung rin po che la longs sku'i chas nye bar gsol nas 'dzam thang gtsang pa'i grwa tshang gi 'du khang chen mor slob grwa 'dus pa mang dag gis spyan drangs nas zhag bdun gyi bar dgongs mchod gzab rgyas phul mthar gtsang pa'i gzims khang thog tu ser 'phreng sogs mchod bkod rgya che ba dang bla grwa tshan mang pos rgyud sde sna tshogs pa'i sgo nas bsreg blugs du ma bcas kyis gdung la zhugs 'bul legs mdzad dang gdung khang dam rgya mchod 'bul zhe dgu'i ring du byas shing | gdung mchod sogs kyi tshe 'dzi stod smad du yod pa'i thugs slob 'ga' la dri bzang po'i ngad shugs dang nam mkha'i dbyings nas zhal gzigs kyi snang ba sogs byung zhing gdung bzhu ba'i me sgra'i gdangs la waM yig gi sgra grags pa dang phyis kyi gdung rus sor tshigs shig gi ngos su lha sku mnyam bzhag gi rnam pa dkar sang nge ba 'od ris ljang gu yod pa cung mi gsal ba'i rnam par dod pa dang sor tshigs la lar ring bsrel yungs 'bru tsam pa 'ga' re 'bur du byung ba dang | sngar gdung bzhu skabs kyi dud pa la dri bsur med pa sogs kyi rtags mtshan bcas gdung tsha legs bsgrub gdung rten dngul gyi mchod rten che 'bring chung gsum dang sa rdo'i khang brtsegs nyid kyi sku 'dra lugs ma legs mdzes tshad ldan de dag la nang gzhug gzungs sgrub rab gnas dga' ston mtha' rgyas legs grub dang | lo dus bzhin gdung mchod nag zla rgyun 'dzugs sogs kyis