[A:238] mdzad pa yongs su rdzogs pa ste | gang gi thugs slob gtsang pa 'gab ma'i sprul sku | sku tsha nyams rtogs ldan zhing gzhan phan nus pa can bla ma kun snang | khri bcu dbon po chung ba | chos grwa cher phyin blo gros bzang sogs bslab gtsang gzhan phan la'ang du ma yod do | |
gtsang chen gyi rdo rje slob dpon brgyad pa ngag dbang dkon mchog bstan pa dar rgyas |
8. de lugs ltar gyi rim pa bzhin legs byon rjes ma gtsang chen pho brang du sgrub brgyud 'dzin pa'i rdo rje slob dpon brgyad pa ngag dbang dkon mchog bstan pa dar rgyas te 'di'i lo rgyus kyi rnam par thar pa sa bon tsam dus su babs pa yang 'dzi yul nyin gyi char gtogs pa smad phyogs su yab ma tshogs mchog dang yum bser za dpa' skyid gnyis kyi sras su ( spyi lo 1900 | rab lo 15.34 ) lcags pho byi ba'i lor sku 'khrungs pa ste | de yang sku na rim gyis nye bar bskyed skabs phyogs nas gdul byar byon pa'i bla ma zhig gis chung ming la bstan pa dar rgyas zhes btags shing de nas dgung lo lnga lhag gi steng tsam nas nyid kyis zhang po rgyal mtshan zer ba zhig gi drung nas klog bslab pas ji bzhin ring por ma thogs par legs shes byung la | de rjes dgung lo bcu gsum gyi thog tu 'dzam thang gtsang po'i skob dpon chen po rtogs pa'i dbang phyug ngag dbang don ldan zhabs pa gzims khang du bzhugs pa'i drung du sgrub sde'i chos tshan du ma dang bcas nyid na gzhon chung skyes kyi dus su chos gral legs zhugs kyi sgo nas rje rab kha bla ma bla ma don ldan zhabs pa de nyid dam pa na gzhon des kyang rtsa ba'i bla ma rdo rje 'chang du gus pas legs bsten gyis zab lam rdo rje'i rnal 'byor sbyor ba yan lag drug gi sngon 'gro chos khrid legs zhus mdzad de khong ma'i phyag srol bzhin nyams len gnad smin bgyis shing | de nas rje bla ma rdo rje 'chang de nyid kyis sdom lung sngon du 'gro ba'i sgo nas dus kyi 'khor lo'i mchog dbang gong ma bzhi legs bskur gyis byin rlabs phebs nas dam pa (di la ngag dbang dkon mchog bstan pa dar rgyas zhes pa'i mtshan snon mdzad skabs snga phyi ci rigs shig tu gtsang pa'i mgon khang du rje rab kha bla ma gang gis chos khrid mdzad dus shig skabs de'i khrid gsungs rjes su phyag gis mthong ba don ldan gyi khrid yig slob bu 'di'i spyi bor bzhag ste zhal nas | khyod ma 'ongs pa na grwa tshang spyis re nyin re yod thang zhes gsungs nas rten 'brel mtshon byed khrid yig de slob bu dam pa nyid la gtad pa'i tshul gyis bzung du bcug go | |
de 'dra'i tshul gyis dben gsum sngon du 'gro ba'i sgo nas dngos gzhi sor sdud kyi skabs mtshams nas rje bla ma 'phral du dag zhing la phebs rjes 'dzam ngos rdo rje 'chang kun dga' ngag gi dbang po dang bar bar du dge skor bla ma bstan 'dzin grags pa dgon leb nas byon te khong rnam gnyis kyis zab khrid gang dgos dang dbang bka' ches mang legs bskur gyi sgo nas rnal 'byor yan lag phyi ma bsam gtan nas bzung ting nge 'dzin gyi bar yan lag drug po cha lag bcas yongs rdzogs nyid kyis gsan sgom