[A:241] yang du rje bla ma ngag gi dbang po dam pa 'dis rtsa ba'i bla ma gcig chog tu gus bsten gyi sgo nas sgrub pa lhur len mdzad pas nyams rtogs kyi rkang tshugs pa byung la | rgya mtshan de'i phyir na dam pa 'di'i thugs la nyams rtogs kyi 'char gzhi'i sgo legs par btod byed kyi bka' dren nges par che ba 'dzam ngos rdo rje 'chang nyid yin pas de'i mdun du rang gis nyams len la gzhi zhig ma zhog bar du gtso cher dam pa 'dis bcar sdod byas shing de mtshams dgung lo nyer drug skor zhig nas rang yul shos mda' dang ha cang mi ring ba'i tshe 'phus zhes pa'i lung khar mi med dben pa'i gnas de kar 'du 'dzi spangs pa'i sgo nas rang gcig pur legs bzhugs kyi sgo nas nyid kyis thun bzhi las bzhi bcad de mnyam bzhagb pa lhur len kyang mdzad pas thugs dam sngar las 'phel ba byung |
dgung lo nyer dgu'i skor nas dam pa 'di nyid 'gam gyi nags khrod du gcig pur rgyun sdod kyis sngar gyi nyams len 'phros thun dam zab kyis rem pa gnad smin par 'ga' re la mdzad | 'di skor du rang yul shos mda'i sde rigs na 'dre khog zhugs pa 'gas nged rnams gnon gzir byed pa'i ngag dkon thon byung zhes 'jigs skrag gi snang ba bzod mi tshugs par bya gin 'dug pa sogs dam pa 'di'i gzi brjid gnod 'dre gang dag gis ma bzod pas ngan skad shor ba'i lo rgyus yang 'ga' re yod |
dgung lo sum cu'i skor 'dzi yul gyi phar nang thang mos nags chen khrod du khong nyid gcig pur bzhugs pa'i nyin cig thugs snang ngor rta bra nag can zhig skad cig la thon byung bas des khyed 'dir zhag bdun las mi 'dug de mtshams nas dgra'i me shor ngo yod ces zer ba'i nyams byung ba ltar khong gis de lugs ltar dogs zon byas nas zhag bdun 'das rjes dgra dmag byung yang khong la nyes skyon du ma gyur skad | dgng lo so gcig skor rang yul shos mda'i phar ngos klu tshang nags khrod du mtshams bsnyen zla ba du ma'i ring du mdzad pas phyi nang gi rtags mtshan ci rigs pa re yang byung zhing | dgung lo so gnyis skor dar lnga'i ri khrod du rtsa ba'i bla ma rje 'dzam ngos rdo rje 'chang gang sku dngos bzhugs kyis slob tshogs du ma la bshad sgrub zung gis legs bskyangs mdzad pa'i skabs su slob bu dam pa 'di yang der song nas rje bla ma mchog gi zhal lung las rje btsun rin po che'i lam rim gyi rgyas 'grel yid kyi mun sel | thub bstan dge legs rgya mtshos mdzad pa'i yig cha'i steng nas rnam par bshad pa zhib rgyas su nyid kyis legs par gsan pa'i sgo nas sbyang brtson la nan tan chen po mdzad |
dgung lo so gsum du ri khrod de nyid du rje bla ma'i mdun nas dam pa 'dis snga lor gsan pa'i lam rim chen mo'i sgom don skyes bu chung 'bring chen po'i lam rnams mthar chags su dmigs skor re re bzhin zhag tshan so sor bcad nas lo gcig gi ring la nyams len gnad 'khyol nye bar byas pas thugs la thun mong gi lam 'khor ba las thar 'dod kyi nges 'byung gi bsam pa dang gzhan don du rdzogs byang