[A:243] bung bas nang yid dad pa'i dmigs rkyen che rab tu gyur cing 'di lor dmar dmag dus kyi zing cha 'di phyogs su che ba zhi 'jags skabs dam pa nyid kyi ma yum nad kyis thebs bson gshin gnyis kyi dus su sman bla ma do chog stong phrag gis rim gro dang dge rdzogs rim pas dam pa khong dang ngos gnyis nas legs sgrub mthar phyin pa nye bar byas la | dgung lo so brgyad du khong gis rang gi ma'i dgongs rdzogs su 'dzi ka'i stod phyogs brag dmar dgon gyi nye 'dabs su rdo rje mi 'khrugs pa'i rus chog cha tshang gi bsnyen bzlas mdzad skabs su rjes sor legs grub kyi dus dkyil 'khor du bum pa rdzas ldan stong par bshams pa la bum chu bsnyon med du thon pa'i 'grub rtags mthun snang du gsal por byung zhing | dgung lo so dgu'i skor 'dzi nyin ra shug khrod du rje ngag dbang tshogs gnyis rgya mtsho bzhugs drung du | dam pa 'di nyid 'ong nas nyid kyis rtogs 'bul rang sems gnyug ma'i ye shes rjen char gyi tshul legs zhus kyi dus su rje bla ma mchog gis khyod pa sngags kyi gnyug sems kyi 'char sgo legs po zhig byung 'dug pas de lugs kyi ngang de kar skyong shes mdzod dang de las logs kyi nyams len gzhan ci yang mi dgos tshul zhib rgyas su legs gsung gis thugs thag gting nas chod nges su gyur |
dgung lo bzhi bcu'i steng tsam na rje 'dzam ngos rdo rje 'chang gi gdung rten rin chen gnyis pa las legs bskrun gyi byang chub mchod rten khyad mtshar ba rnam par dkar ba'i bsod nams kyi zhing mchog tu dam pa gang dang ma bla ma kun mchog zung gis legs bzhengs mthar phyin mdzad | dgung lo zhe gcig tu 'dzi stod tsha kha phyogs kyi dben gnas shig tu dam pa 'dis rje 'dzam ngos rdo rje 'chang gi gsol 'debs grangs ches mang gi sgo nas gang thugs rang sems dang gnyis med ro mnyam 'ba' zhig gi rgyun bsrings te sgrub pa zab mo lhur len mdzad skabs nyin par mnyam bzhag dang mtshan mo rmi lam gyi skabs dag tu sngar bas ches gsal gyi rje bla ma stong gzugs kyi rnam pa dang sku dngos byon rmi lam gsal snang gi rnam pa ches gsal po dang gsung bgro gleng chos tshul zab mo dus su legs 'doms kyis nang rtogs gnyug ma'i ye shes sngar las rang mdangs mngon tshabs che ba dang chabs cig tu dad pa shugs drag po'i dbang gis lus kyi spu long g.yo zhing mig nas mchi ma rgyun ring cher 'khrugs bzhin lag zung gi padma dbang med snying khar zum pa yang yang bcas kyi ngang rje bla ma'i bka' drin la yid gting nas phyogs par gyur to | |
dgung lo zhe gnyis su khong gi nyin cig rmi lam gyi snang bar bar nyid nam mkhar 'phags te 'dzam thang gtsang pa'i gzims khang pho brang gi rtse mo'i spen rgyan gyi thad du dung 'phreng ngang gor ba zlum po phyogs mtshams thams cad du khong gis legs bsgrig byed bzhin pho brang thog tu dar po che zhig legs 'dzugs byas par rmis pa bzhin phyis su dam pa nyid pho brang de'i 'dzin bdag mchog tu gyur skad | dgung lo zhe gsum par rang gnas dgon leb tu gi gzigs spyil gyi nang la khong gis