[A:17] rgyud sde gang gi sgo nas kyang las dang dngos grub thogs med du 'grub pa mang ngo | |
(2) bye brag dus kyi 'khor lo 'phags bod du dar lugs |
khyad par dus 'khor gyi rgyud sogs 'ga' zhig ni | rgya gar rgyal po mahibAla'i dus su byon pa'i slob dpon piToba ste bsod snyoms pa bya ba zhig la phyag na rdo rjes lung bstan te rdzu 'phrul gyis shambhalar byon nas rgyud mang po spyan drangs ratnagirir slob ma mang po la bshad | mthar mi snang ba'i dngos grub brnyes so | | de sogs dus 'khor 'phags bod du dar lugs la rgya bod du lugs 'dra min mang yang | mchog tu gyur pa 'bro lugs ltar na | shambhla'i rigs ldan rgyal dka'i dus tsam na |
1. 'phags yul du gshin rje gshed kyi rnal 'byor pa zhig gi sras dus zhabs chen po 'jam pa'i rdo rje mdo sngags kun la mkhas shing 'jam dpal gyi zhal gzigs pa zhig la yi dam gyis lung bstan nas byang phyogs su gshegs pas | lam du rigs ldan gyi sprul ba dang mjal | dbang bskur zhing zab mo'i rnal 'byor zla ba drug la bsgoms pas rdzu 'phrul thob ste shambhalar byon | rigs ldan dngos dang mjal | dus 'khor sogs rgyud sde mang po dang | sems 'grel skor gsum sogs zab bka' mang po gnas | de dag las 'ga' zhig thugs la bzung | 'ga' zhig glegs bam spyan drangs te 'phags yul du byon | phal cher sgom pa gtso bor mdzad | mu stegs kyi dpung lta stangs kyis gnon pa sogs rdzu 'phrul mang du bstan | mthar 'ja' lus su gshegs |
2. de'i slob ma dus zhabs chung ba Cribhadra mkhas shing mngon shes rdzu 'phrul thogs pa med cing | pha rol smra ba zil gyis gnon pa des chos 'dis sa steng khyab par byas |
3. de'i sras byang chub bzang po | nAlandra'i gnas gzhi'i bdag po las bzhi gang bsgrubs kyang rlung gi rnal 'byor kho nas 'grub pa des so | |
4. de'i slob ma kha che'i paN chen zla mgon | dbugs thengs re la shlauka bcu drug tsam zin pa | dus 'khor sogs sngags kyi zab don bsgoms pas srong 'dzin mthar phyin sku la bshang gci'i rgyu ba chad | chom rkun la sdigs mdzub mdzad pas rengs pa sogs nus mthu che | bod du lan gsum byon | sgron gsal | rig tshogs | sa sde sogs chos mang gsungs | khyad par dus 'khor shin tu dar bar mdzad| |
de nas bod du brgyud rim mdo tsam la |
5. 'bro lo tsA ba shes rab grags kyis paN chen zla mgon gyi mdun nas chos 'di yongs rdzogs gsan nas bla ma mchog tu 'khur |
6. bla ma lha rje sgom pa dkon mchog bsrung gis kyang paN chen zla mgon las dbang rgyud bshad