[A:18] man ngag mtha' dag gsan |
7. bla ma sgro ston gnam brtsegs kyis paN chen zla mgon las dbang dang rgyud bshad rdzogs par thob |
8. grub chen yumo mi bskyod rdo rjes ( rab byung dang po'i dus su byon ) chos 'brel tsam las ma thob kyang | bla ma sgro ston lo lnga'i bar du bsten nas khong la bzhugs pa'i dbang rgyud man ngag mtha' dag thob | phyis 'u yug gi rgyal gnas su bzhugs | bstan bcos mang du mdzad | sngags kyi gzhan stong grub mtha'i srol phye |
9. de'i sras chos kyi dbang phyug gis | grub chen la mnga' ba'i gdams ngag thams cad dgung lo nyi shu tshun la thugs su chud |
10.de'i bu chen nam mkha' 'od zer mdo sngags la mkhas shing 'od zer phreng ba sogs bstan bcos kyang mang du mdzad |
11.chos kyi dbang phug gi sras lcam sring gsum las chos brgyud la phan pa'i 'gro don can gnyis te | indrabudhi'i lcam li kSaMkara'i sprul sku jo 'bum gyis dus 'khor rgyud 'grel yongs rdzogs thugs la bzhugs | yab la gsan pa'i sbyor ba yan lag drug bsgoms pas zhag gcig la rtags bcu rdzogs | bdun la rlung dbu mar thim | grub thob chen mor gyur pas chos 'di la phan pa cher byung |
12.de nyid kyi ming po semo che ba nam mkha' rgyal mtshan yang yan lag drug bsgoms pas nyams rtogs dang mkhyen rab nang nas rdol | nam mkha' 'od zer las rgyud 'grel dang | jo 'bum las dbang mdor bstan bka' 'grel padma can gsan grub thob kyi mtshan grags che sku tshe'i smad la gtsang 'o lung semo che'i dgon pa btab |
13.'jam gsar ba shes rab 'od zer gyis 'jam dbyangs kyis lung bstan pa ltar semo che ba las dus 'khor gyi dbang gsan sgom pas nyams rtogs mthar phyin | rkyang 'dur gyi 'chad nyan mdzad | bshad sgrub ba spel ma'i ngang la bzhugs | 'di man la dus 'khor cung zad bka' yangs su song |
14.kun mkhyen chos sku 'od zer gyis chos rje 'jam gsar ba la dus 'khor gyi dbang rgyud man ngag rdzogs par gsan pas nyams rtogs brgya 'gyur du 'phel | dbang gi ye shes skabs bla ma rdor shugs su gzigs | ye shes phebs nyin phyed tsam ma btang | 'dus pa'i rgyud yongs rdzogs rgya skad du sangs kyis bton | mnal thams cad 'od gsal du song ba'i ngang nas sgom bzlas sogs byed cing sku'i bkod pa yang cig char mang du bstan | 'di'i slob ma kun spangs pa nas jo nang pa chen po'i bar du gsang chen sngags kyi dbu ma gzhan stong gi lta grub kyi brgyud pa chu bo'i gzhung ltar byung zhing bod nas