[A:247] mi bde sogs kyi legs nyes lkog tu gyur pa dag kyang zhal gsung las shugs 'byung du 'ga' re thon pa sogs deng dus la ltos na khyad mtshar ba'i dge ba'i bshes gnyen mchog cig tu bsnyon med kyi gnas so | |
dgung lo nga drug tu sbyor drug pa sha sprul | chos rin sogs nyi shu dang lo 'di'i dus su rje bla ma mchog gis 'dus pa mang tsam rang bcas la gshin rje'i gshed rab 'byams kyi dbang bskur rgyas pa rje btsun rin po che'i bshed dgongs ji lta ba bzhin du rje bla ma tshogs gnyis rgya mtshos bkral ba'i dbang chog gi yi ge'i thog nas zhib rgyas cha tshang legs gnang mdzad cing 'di lor khong gis a yu rgan mo'i rus chog tu thams cad rig pa 'khor ba kun grol gyi bdag bskyed bsnyen bzlas tshad ldan sgo nas rus sbyong yang dag gi mtshams sgrub ci rigs mdzad pa dang 'di skor gang yang rung bar tsha kha'i brag dmar dgon du tshes bcu'i mchog sprul sku phreng brgyad pa kun dga' rin chen grags pa bzhugs pa'i drung du dam pa gang dpon slob bcas phebs te khong rnams kyis dus 'khor dbang chen legs mnos kyi sgo nas gnas la rje dam pa nyid kyis snga phyi ci rigs su gtsang chen gzims khang pho brang du thub bstan dge legs rgya mtshos mdzad pa'i sbyor drug spyi don rdo rje'i 'dud rtsi'i chu gter zhes bya ba'i legs bshad yongs rdzogs kyi spar brko sngar med gsar med gsar bzhengs dang dus 'khor blos bslangs chen mo'i zhabs 'degs zhig gsos khyad mtshae ba dang | skyabs yul tshogs zhing dang | seng gdong bdud 'dul drag mo'i bris thang gsar bzhengs dang | gro bod du ma dang | gser sku gsar blas sogs rnam dkar bsod nams kyi bgyi ba don dang ldan pa mang tsam gyis phyag rjes kyang mi dman pa tsam yod |
dgung lo nga bdun du sbyor drug pa gtsang sprul bsod nams phyogs las rnam rgyal dang | ngag dbang tshul khrims rnam rgyal | 'jigs med 'od zer sogs nyi shu ste 'di'i lo la rje bla ma gang gis phyi nang gi 'dus pa mang po dang rang sogs bcas la dus 'khor dbang chen | nai gu bka' phyi nang yongs rdzogs | phur pa 'khon lugs rje btsun rin po che'i bzhed dgongs ltar gyi dbang chog 'jam mgon kong sprul gyis mdzad pa'i steng nas stod las dang | smad las dkar bdud rjes gnang sogs dang bcas pa'i dbang bka' legs par stsal zhing | lo der khong gis dus 'khor lha dgu'i bsnyen mtshams kyang mdzad la | spyir na bar bar du nyid kyi zhal gsung las ma 'ongs dus phyis su gzims khang pho brang 'di mtho dman gang thad nas chag sgo che tshul gyi gsung zur slob tshogs la yang yang gsungs pa dang dam pa 'dis gtsang pa'i gzims khang gi chos srid la thugs khur bzhes pa nas bzung ma go nas mjug gi bar lo bstar bzhin gzims khang thun pa chos tshan gang dag la chos mthun gyi 'grig lam gtsang dag 'chol nyog gi spyod pa dang ma 'dres shing kun spyod mdzes khrigs su gnas bzhin thun bzhi las bzhi'i rgyun spyod