[A:251] bzhag nas rang dkar mnyam bzhag la gnas bzhin bzhugs 'dug |
de nas dgung lo re bdun la slebs skabs su ( spyi lo 1966 | rab lo 16.39 ) me pho rta lo de'i zla ba dang po'i tshe nyi shu'i nyin | zhal nas | gur ru'i tshig bdun spyan 'dren dang | rtsa ba'i bla ma'i gsol 'debs gang zhig dran pas sogs dang gsol 'debs gzhan mang po zhig gsungs rjes | zhal gsung las | da tshod sangs rgyas sman bla'i zhing khams nas 'od zer dpag tu med pa 'phros nas de thams cad nga rang la thim 'gro gyin 'dug cing | nad zug sogs mi bde ba ci yang med nges red ces sogs zhal brda 'ga' re yang mdzad par 'dug la | lo de'i nyi shu gnyis kyi nangs snga mo'i dus su khong gi sku seng ge nyal stabs kyis hig sgra lan gsum mdzad nas dgongs pa chos dbyings su legs bsdus kyi rjes mi ring bar gdung mchod bla sprul mang pos zhag gsum la mdzad nas sku gdung la zhugs 'bul gyi skabs su dbu thod yar ba dang dri bzang po rang yul du kun nas mched pa sogs kyi rtags mtshan kyang byung zhing rang yul gyi thugs slob 'ga' 'chi ba la nye skabs rje dam pa nyid dngos byon gyi snang bas 'chi nges sogs kyi gsung brda legs byung gis yid la dad gus 'phel bar byed pa'i mdzad sgo legs pa khyad du 'phags pa'i 'phrin las mnga' la | de rjes rang yul du gdung rus spyan drangs te slob tshogs gang dag gis gdung tsha sogs dgongs mchod dus bstun re legs grub kyi sgo nas dus mtha' 'dir mdzad pa de lugs kyis mthar phyin pa ste | rje dam pa mchog gi thugs slob che rim yang gtsang chen sprul pa'i sku skyes rnam gnyis dang | 'gro phan che ba gyang sgang bla ma grags pa | bsnyung gnas kyis 'gro 'dul ba bla ma kun ldan sogs gzhan phan spyod nus pa'i thugs slob yang du ma byung ba sogs gtsang chen rdo rje slob dpon rjes ma 'di nyid kyang dus kyi dbang 'di ltar ma btsan na deng dus la ltos na mdzad pa'i sgo rgya che ba zhig tu gor ma chag go | |
de yang chad kyis gtsang pa'i sgrub brgyud 'dzin pa'i slob dpon dag gi rnam thar mdo tsam song zin nas da ni gtsang chen sprul pa'i sku phreng rim gsum gong smos dag ni gtsang pa'i gdan sa dang sgrub brgyud gnyis kar bzhugs pa yin la de man chad kyi sku phreng rim byon rnams gdan sa tsam mdzad pa las sgrub brgyud kyi slob dpon byed nus pa ma byung zhing de lugs ltar gyi sku phreng rjes ma rnams kyi lo rgyus cung tsam bsnyad pa skabs su babs pa ste | de yang gong du dkyis su bkod pa ltar gtsang chen sprul pa'i sku na rim gsum pa dkon mchog 'jigs med phyogs las rnam par rgyal ba'i sde gang nyid dgung grangs zhe brgyad du son skabs rab byung bcu bzhi pa'i nang tshan me bya'i lo'i hor zla bcu gcig pa'i tshes bcu dgu'i nyin gzugs sku chos dbyings su bsdu ba chas tshe rje sprul pa'i sku mchog rang nyid kyi zhal snga nas | sku 'khor dag la bka' stsal pa | da nangs tho rengs su rje rtsa ba'i bla mas bum chu 'o ma'i rgyun lta bu