[A:252] legs par phabs pas de bdud rtsi'i rdzing bur gyur pa de'i khar khong nyid bde stong gi nuams bzang pos kun nas myos bzhin chu bya mtsho chen du ci bder rol pa ltar dngos gsal gyi bde ba'i gnas skabs mchog cig gis dus 'da' ba reb tsam byung ba de'i ngang nas da lan gang bya rang dbang yod pas khyed rnams mya ngan ma byed dang kho bo'i lus 'di'i phyis su slar bstan 'gro la phan thogs pa'i byams snyin rje rgyud la mnga' zhing chos 'chad rtsod rtsom gsum la dbang 'byor ba khyed slob 'bangs kyi grwa ngo shes mkhan zhig tu lo gcig tsam las mi 'gyangs par skye ba'i rten 'brel du legs smon bya'o | | zhes gsungs nas gzugs sku dbyings su thim mo | |
(8) gtsang pa sku phreng bzhi pa man gyi lo rgyus |
gtsang pa sku phreng bzhi pa ngag lo |
1. de nas lo shes tsam na rje gtsang pa rang gi sgar gyi mnga' 'og gi chab 'bangs su gyur pa gtsang sde'i ta shul sang gi mi khyim cig la rje sprul sku mchog gis yang srid nye bar bzung ba sde | de yang gtsang pa'i lha sde gang dag gi 'brog pa'i sa khul na mo che zer ba na ta shul khyi lo zhes pas khyim thab mo chen ma dang chung ma gnyis blangs pa las phyi ma'i sras su gzugs sku na phra'i me tog gsar pa dus su mngon par bzhad pa'i tshe dang po ma'i lhums nas grod pu lta bu'i nang du sku btsas skabs de ma thag zhal nas | ma yum la bos te | yi ge drug ma dang | rnam bcu dbang ldan gyi snying po sgra tshig dag gsal du yang yang gsungs | zhes grags la | de skabs sku na phra khong rang gi steng du 'od dkar gyis yi ge drug ma'i gzugs gsal pa mkha' dbyings su mngon gsal mthun snang du nye bar dod pa dus rtag par sprul pa'i sku skyes na chung de la 'od dkar po me long tsam pa zhig rgyun par kun gyi mthong snang du byung ba sogs ngo mtshar ba'i legs mtshan ches mang po kun nas mnga' ba zhig ste bar bar rnams su rang khyim sbra'i kha tshab kyi steng du sprul pa'i sku skyes na shin tu phra ba nam mha' 'phags te rdo rje skyil mo krung gis bzhugs pa der gnas gzhan dag gi mig sngar yang yang mthong ba legs pa khyad 'phags kyi rtags mtshan lhag par che na'ang de la chen mas sdang sems phrag dog gis mnol btsog dma' 'bebs che bas ma rungs par byas rkyen sprul pa'i sku skyes nyid la glo bur sku grib phog pas de 'phral mi khyim des mngon shes rtogs pa mchog mnga' rje lha ba bla ma kun dga' dpal ldan zhabs pa gdan 'dren byas nas sku skyes la grib sel zhus skabs gzungs chu'i snod rdza ma mchu lo zhig gis byas pa na | rje bla ma gang nyid kyi zhal nas | da lan sku skyes kyi mtshan ci zhes dris pa'i tshe | khyim bdag des 'di ming la ngag lo zer | zhus | bla mas 'o na 'di nyid khong gi rtsa ba'i bla ma'i bla mar gyur pa gtsang chen sku phreng gsum pa'i yang sprul du nges kyang