[A:253] pha khyi lo bu ngag lo khrus chu'i snod rdza ma mchu lo rnams 'dzoms pa dang da lta bdag dang nyi nub 'phrad pa sogs gang thad nas rten 'brel legs po ma byung bas sku skyes nyid kyis 'dir bstan 'gro'i don re zhig mi 'ong bar zhig gzhan du myur nas 'byon nges su 'dug go | | ces pa'i bka' lung legs stsal gyi sgo nas sku skyes la khrus bya ba bsrung ba re mdzad kyang phan pa gang yang ma byung bar bsnyun nad de la brten nas mi ring bar 'phral du gzugs sku'i me tog yal song bas rje gtsang chen gsum pa'i yang srid 'di'i gdul zhing gi skal ba re zhig ma yod do | |
de nas bzung lo 'ga' zhig gi ring la gtsang ba'i sku skyes slar ma byon pa la rje gtsang ba sku chen du grags pa mtshan dngos ngag dbang rig pa mchog gi rnam par rgyal ba'i sde'am ngag dbang 'jam dpal mthu stobs rnam rgyal zhes 'bod pa gang de ni rgyal dbang lnga pa blo bzang rgy mtsho'i sprul par don la grags mod kyang 'dir phyi tshul tsam du gtsang chen sku phreng lnga par mtshan gsol ba tsam ste | de yang gtsang ba'i lha 'bangs gang dag gi 'brog sde'i dgun sa sku nang du yab a rigs lha skyabs dang yum ri za gnyis kyi sras su nyid sku legs 'khrungs kyi skabs thog mar ma'i lhums su bzhugs dus na ma yum gyi snang ngor po la'i nags su mi rgan dung gi 'phreng ba can mthong ba sogs sngar las gnas 'gyur gyi snang ba byung ba legs pa gzhan phal las phyi nang gi rtags mtshan khyad par ba mang po yod pa yin la | de nas sku bskyed bsrings te rim pas cher skyes skabs sku zhang ri 'phongs dge 'phel sogs kyi drung du klog yig slob pas yig 'don ji bzhin shes pa dang gzhan phal pa rnams las 'phags pa'i mthong snang sna tshogs pa thugs la shar ba dang chos skyong khyab 'jug chen pos sku bdag bar bar byed pa sogs mdzad sgo khyab par ba'i sku skyes rigs bzang phun sum tshogs pa zhig yin stabs 'di skor gtsang ba'i thob bdag med pas grwa tshang gi dbu chos drag bsdus dag gis gtsang ba dngos kyi sku skyes ma byon bar du a rigs sku skyes gzhon nu la gtsang ba'i mtshan gsol nas re zhig bar gtsang pa sgar du 'dzin bdag byed po nyid du bsko bzhag byas pa nas bzung gtsang che sprul pa'i sku ru mtshan snyan gyi grags pa je rgyas su rim pas song ba yin | de mtshams re zhig tu gtsang pa dge slong rdo rje 'dzin pa chen po ngag dbang chos 'phel rgya mtsho gang drung du sprul pa'i sku skyes gzhon pa des 'dus pa brgya phrag lhag tsam dang mnyam du thog mar chos kyi sgo mi 'khrugs pa'i dbang bskur sta gon dgongs gzhi gnyis dang | spyan ras gzigs 'jigs 'jig rten dbang phyug gi rjes gnang rnams legs par gsan zhing | de rjes mi ring ba na rje bla ma de nyid kyi drung du sku skyes khong gis 'dus pa lnga bcu tsam dang lhan du | rdo rje 'chang | rdor sems | 'lam dbyangs dmar ser rnams kyi bzlas lung dang | gcod kyi dbang sdud zil gnon | kong sprul gcod khrid | paN chen gcod kyi lung khrid rnams legs mnos mdzad | khyad par bla ma gang mdun nas | sku skyes nyid kyis