[A:259] po dod cing sku skyes na phra'i dus su steng la 'od dkor rgyun par 'khor zhing lha chen khyab 'jug gis sku bdag yang yang byed pa mbgon gsal du yod la | chung ngu smra shes tsam na zhal gsung las | yi ge drug ma yongs rdzogs gsal bor gsungs shing bar bar du | nga ni bla ma gtsang pa yin | zhes pa'ang rang shugs kyis yang yang smra ba byung zhing tshul de lugs kyis yul phyogs de'i dpon sde mtha' dag gi brtsi bkur gyi snyan pa phyogs su khyab pa 'dzam thang gtsang pa'i sgar gyis legs gsan mdzad pas sku bdag kyang byas | de sngon sku skyes 'di de 'dra'i rtags mtshan che ba bsnyon du med pa yin kyang rtsog mnol sogs rkyen zhig gi byed pas klog slob pa sogs kyi tshe mdzad khyad de 'dra dngos tsam ma byung yang gang thad nas ring khyad du 'phags pa zhig ni nges par yin la | de nas dgung lo bcu la slob skor sogs su 'dzam thang gtsang pa'i dbu chos rgan pa bser pa chos dbyings sogs drag bsdus 'ga' zhig gis sku yon rgya che ba dang bcas sprul pa'i sku skyes legs blus kyi bya ba la 'ong skabs sang thon pa'i snga nub nas sku skyes rang gis ji bzhin mkhyen te ma la smras pa | de ring khyod kyis snga mo nas khyim phyag bdar dang zas g.yos sogs legs par mdzod cig | nga rang gi bdag po thon la khyad du yod | ces gsungs pa ltar 'dzam thang nas gtsang pa'i sku bdag de'i nyin legs par byung nas sku skyes dang phan tshun bka' mol gyi skabs gtsang chen gong ma 'jigs med rnam rgyal gyi bzhugs gdan dang rdor dril sku skyes nyid nas ngos 'dzin mdzad pas kun yid lhag par ches te dga' spro'i ngang sku bdag gang dag gis blu yon gyis yab yum mgu bar byas nas sprul pa'i sku skyes gang nyid 'dzam thang du gdan 'dren mdzad skabs rim pas dgon de'i nye 'dabs la slob dus sbyangs pa bla ma kun dga' nges don zhabs pa 'dzam thang pha ri'i sgrub khang du bzhugs pa'i gzigs ngor sprul pa'i sku skyes gdan drangs pa 'phags mchog 'jig rten dbang phyug gi rnam pa 'od zer gyis ljongs 'dir khyab pa legs gzigs mdzad cing sku skyes 'khor bcas 'dzam thang du slebs pa dang grong sde dag gis gnag phyugs kyi khyu chen po mdun ded 'ong ba dang 'phrad de gdul bya dar zhing rgyas pa'i rten 'brel gyi legs sgo dang bcas gtsang chen pho brang du 'jigs med rdo rje'i khri la mnga' gsol gyis khri 'don dga' ston rgya cher byas shing de skabs mkha' 'gro thugs mngon rtogs nye bar mtho ba zhig gis sku skyes 'di nyid gtsang chen gong ma'i sprul sku dngos gnas su bka' lung gsal pos lung bstan dang | rje rdo rje 'chang ngag dbang chos 'dzin zhabs pas gzims khang pho brang du rgyud sde rab 'byams kyi dbang bskur rgyas pa mdzad pa'i dus dang thug phyir rje gang nyid kyis sku skyes mchog la mnga' gsol sogs kyi mdzad sgo gnang ba dang | de dag gi skabs dge ltas khyad par ba sprul sku nyid kyi bzhugs khri'i 'og tu me tog mdog sna mi 'dra gsum kun gyi mthong snang du byung zhing gzhan yang bla chen du ma'i gzigs snang du sku skyes nyid sangs rgyas byang sems kyi rnam par mthong snang 'dra min