[A:260] sna tshogs kyi tshul kyang ci rigs pa'i lo rgyus dang | gtsang pa gpng ma'i yang sprul yin tshul gyi gsungs sgo yang 'ga' re yod la |
de nas rim pa bzhin du su skyes nyid la bser pa chos dbyings dang khyi lo ma'i bla ma sogs kyis klog yig kyang legs bslab mdzad rjes de mtshams shig na gtsang pa'i rdo rje slob dpon kun dga' dpal ldan zhabs pas bla mchan gyi mdzad sgo dang bcas sprul sku gzhon pa nyid gtsang sde'i dge skor zon thar shi ba'i gshin chog du phebs dgos byung skabs bla ma de nyid kyi byin rlabs dang sku skyes rang gi sngon las zab mo'i byed pas las dang po'i dus su mi 'khrugs pa'i dbang chog lho sgo'i skabs su sku skyes dam pa'i thugs nyams su gshin po lwa ba dkar po gyun pa'i rnam par gsal bor mthong nus pa'i bar srid gzigs pa'i mkhyen pa mnga' zhing | de dus nas mtshan snyan kyang yongs la rgyas pa zhig sde de nas mi ring bar gtsang chen phyogs de nyid du rje bla ma rdo rje 'chang kun dga' dpal ldan gyi mdun nas sprul sku nyid kyis chos grogs rdo rje'i spun bla ma bstan dar | bla ma mchog 'phel sogs don gnyis mchog mnga' du ma dang lhan cig zab lam sbyor ba yan lag drug gi sngon 'gro nas bzung dngos gzhi yan lag gsum pa srog rtsol yan chad kyi dbang khrid mtha' dag zhus te nyams len mdzad skabs rje bla mas sku skyes khong la mtshan ngag dbang 'jigs med phyogs las rnam rgyal zhes gsol zhing | khong gis dngos gzhi nyams len skabs nang rtogs kyi 'char sgo yang bzang zhing 'khrul 'khor dus mnyam bzhag ngor lkog gyur gyi gnas 'ga' zhig zi bzhin mngon shes byung ba sogs sgo gang thad du yon tan gyi cha kun nas 'phel ba'i ngang tshul gyis lo gnyis ring tsam la sbyor drug yan lag gsum yan nyam su blangs pas lam rtags rang rang gi thad du myong ba dus su thon la | de nas bzung bdag bskyed gtor chog gang 'os rgyun khyer gyi zhal 'don sogs dang bcas mtshams de skor du gtsang pa'i yul lha stong dpon gsol mchod kyi ched sprul sku grwa 'khor bcas phebs dus su khong nyid chibs rta la chibs bzhin yob g.yas pa nas 'ja' 'od der gnas kun gyi mthong snang du byung ba yul lha'i dpa' mkhar du gsol mchod ma zin bar zug bzhin gnas shing de nas phyir la phebs te lha 'bangs kyi 'brog sde dag la khong gis dkar bsod mdzad skabs 'od zer sngar ltar gyis mi khyim 'ga' la zug pa sogs kyi legs mtshan byung zhing 'di skor zhig la mgo log tu a skyong rje rgan ma dus las 'das pa'i gshin po rjes 'dzin gyi ched du rdo rje 'chang gis bla mchan mdzad bzhin sprul sku 'khor bcas phebs dgos byung zhing de lugs kyis 'gro don yang mdzad |
de rjes tsam na sprul pa'i sku nyid mched grogs 'ga' bcas kyis sngar sbyor drug gi mjug yan lag lhag ma rnams ji bzhin nyams len gyi ched gtsang pa'i sgrub grwa gong du lo gcig la rdo rje'i rnal 'byor legs bsgoms mdzad cing de dus su mchog sprul nyid la thugs nyams sngar las rgyas shing bla ma dang yi