[A:261] dam gyi zhal gzigs kyi snang ba ci rigs kyang byung la | spyir na sprul sku 'di nyid kyis yi dam gtso bo thugs rje chen po la sku tshe gang bor mdzad nas yi ge drug ma'i gzungs sngags dung phyir du ma zhig snga phyi ci rigs la ljags bzlas kyi sgo nas 'phags pa mchog gi zhal ras lan yang yang mjal zhes grags shing de mtshams shig tu sprul sku khong gis spros med kyi spyod pas rgya nag glang chen dang lha sogs gnas chen du ma la byon nas mjal phyag thugs smon gzab rgyas ji ltar 'tshams de yang mdzad |
de nas bar skabs shig tu mkhas pa'i dbang phyug thub bstan dge legs rgya mysho gang la chos skyong khyab 'jug chen po'i las tshogs byang gter man ngag 'bod rbad bsad pa'i srog sgrub chog bsgrig gi rtsom bskul kyang sprul pa'i sku 'di nyid kyis ched gnyer bcas kyis legs par mdzad la | yang khong nyid kyi bla mchan 'dzong bo skyabs mgon gyis mdzad bzhin mgo log tu a skyong dpon nor dgra sku gshegs pa'i dgongs chog tu phebs skabs khrus chog gi 'pho ba'i dus su sprul sku 'di nyid skad cig la nam mkhar 'phags te bar snang du mi g.yo skyil mo krung gis bzhugs bzhin 'pho lung chos sku snang mtha' ma tshar gsum gyi ring du der gnas kun gyi mthong snang du ya mtshan che ba'i rtags mtshan de nyid kyis dus 'da' ba byung zhes grags skad de skabs su khong gis dpon 'das pa la phan ji ltar thogs tshul nam zhig rang skad 'don pa sogs kyi yin lugs gang gsung mtha' dag rjes sor de lugs bzhin bros lha zhes pa la lha 'bebs pa'i sgo nas sngon gtsang pas gsung mdzad ji bzhin thug tu khel bas yul sde de phyogs su sprul sku 'di nyid mtshan snyan gyi grags pa rga shin tu che zhing dpon sde kun gyis gzhan su las dbu bla mchog tu gtsug gis gus bkur byed pa yin la yang sprul sku 'di nyid kyis gtsang chen pho brang du lha khang ka ba dgu ma zhig gsos legs pa mdzad nas nyid rgyal rong thugs rje chen po'i gnas mjal la phebs skabs de phyogs kyi yul mi zhig shi ba'i gshin chog la byon dus mi ro de bam chen langs la khad du song nas 'jigs zil bzod dka' ba'i gnas su red tshe sprul sku mchog gis gcod dang bka' bsgo 'pho lung mdzad pas mi ro de nyid rang zhir song bas der gnas kun ches dad par gyur nas gdul bya dar rgyas che ba byung la de phyogs su yig drug gtso bor gyur pa'i rdo 'bum bcu gsum bsko bzhengs kyi bdag rkyen khong nas legs gnang mdzad pa sogs bstan 'gro la mdzad sgo mi dman pa byas mtshams shig nas khong gis gtsang chen pho brang gi bdag byed mkhan rnga ba'i se bla byang chub kyi yang sprul du grags pa'i sku skyes des byed du bcug nas sprul sku rang gi sgar 'dzi stod dar lnga'i ri khrod du rgyun bzhugs kyi tshul du bar bar nyid kyis gdul bya phyogs med bskyang bzhin bzhugs skabs su snga phyi ci rigs par yig drug bskos ma'i rdo 'bum du ma yon bcos kyis mdzad sgo dang 'dzam thang du 'khor khang legs mdzes kyi nang du dung 'khor byin ldan zung dang | khang ris kyi lha tshogs gser tshon gyis mdzes cha rdzogs par bskrun te | 'og tu rdo bcal dang