[A:264] dam zhag 'ga' las mdzad par rgun du gdul bya gtso bor skyong ba lta bu zhig yin kyang nang thugs rtogs kyi rim pa ni sgo nas mngon par mtho ba la tshegs mi dgos pa'i rigs mthon po zhig yin nam snyam mo | de nas khong nyid kyis mtshams shig tu gtsang sde'i na mo che'i nye 'dabs su mchod rten bzhengs skabs cha rkyen ci dgos nyid nas thugs 'gan bcas kyis yul phyogs der rdo dkon pa la rdo gter blang ste mchod rten cha tshang gi zhabs phyi legs sgrub kyi bgyi ba zla bral gyi mdzad sgo khyad 'phags gnang zhing gtsang sprul nyid dgung grangs drug cu re gsum du slebs skabs dmar dmag dus 'khrugs kyi zing cha phyogs 'dir che ba'i dus na'ang khong dang mnyam du yod pa'i yul sde gang dag la nye zhos gos pa med par bde skabs 'ba' zhig tu gnas la 'di skor snga phyi gang rung khong gi mdun du a gter dpa' bo chos dbyings rdo rje phebs nas tshe sgrub dbang bka' bcas kyis zhabs brtan legs 'bul gyi sgo nas gter ston mchog gis tshe mda' 'phel bskyed dang mkha' dbyings nas gter sgrom nor bu'i rigs blangs te gtsang pa khong la legs gnang mdzad pa dang snga phyi ci rigs la khong gi sku mdun du gtsang pa'i rdo rje slob dpon a mgon bla ma ngag dbang bstan pa gsal byed dang ngag dbang rdo rje bzang bo rnam gnyis sogs skyes chen du ma byon bzhud kyis phan tshun thugs mnyes bka' mol gzab rgyas bcas thugs kyi nyams len la 'dri gtugs bgro gleng dus su mdzad pa dang | sngar ri khrod gong mar khong nyid bzhugs dus phyag na rdo rje'i gyang ris sgo phyogs mjug tu yod pa dbu sngas phyogs su tugs 'dun tsam gyis gdan 'dren mdzad ces grag skad |
skabs 'gar 'di skor du khong nyid sgrol dkar yid bzhin 'khor lo'i bsnyen mtshams la'ang bzhugs shing dgung lo re brgyad skor zhig nas gtsang pa khong gi sku mdun du yar thang rgya sprul sku skyabs zhu ba la phebs nas khong nyid kyis de la rkyen sel bsrung rim gang dgos mdzad pa'i re zhig na rkyen des khong la sku bsnyun thebs nas rang gi bzhugs yul ri khrod 'og ma'i gzims spyil du rgyun bzhugs kyi tshul mdzad de dgung lo re dgu chu mo rta la slebs dus su sku 'khor gyis zhabs brtan la gsung sgrog sman sgrub ci rigs re byas kyang phan pa ma byung bar khong gi zhal nas | sku 'khor ba grwa btsun dag la rang rang dang 'tshams pa'i zhal ta sna tshogs kyi bka' 'phros dang | rang dang gtsang pa sgar khog gi bca' lag dbye bsal dang | 'dzam thang gtsang chen pho brang gi mgon po sogs chos skyong la snyan dar legs bskur gyis 'dod don gsol ba sogs bgyi ba gang dgos mtha' dag mdzad nas lo de'i dbyar zla'i nang skor tsam na sku gshegs par mdzad de | de nas shul 'dug sku 'khor gang dag gis dgongs mchod gzab ldan gyis gdung bzhu legs byed dang rjes sor gsung rten dngul gyis byang chub mchod rten bzhengs pa sogs de lugs kyis gtsang sprul 'di'i mdzad pa grub la | de rjes mi ring bar khong gi yang