[A:265] srid sku skyes su slar byon la mtshan gsol ba gtsang pa se sprul gyi sku tsha ngag dbang 'jigs med rdo rje dang | 'dzi rong sku skyes ngag dbang bsod nams dpal ldan phyogs las rnam rgyal gnyis da bzhugs bzhin pa 'di ga ltar ro | |
gtsang chen gyi gdan sa ba se sprul ngag dbang kun dga' phun tshogs |
3. de rjes gtsang chen pho brang gi gdan sa mdzad pa gtsang pa se sprul pa'i sku ngag dbang kun dga' phun tshogs sam mtshan gzhan sngags 'chang pad ma dbang drag rtsal gyi lo rgyus mdo tsam 'dir dus su babs pa ste de 'chad pa la 'di'i 'khrungs gnas rnga yul phyogs yin zhing de yang thog mar wa shul rigs la me sprel lor sku 'khrungs pa nas bzung byis pa phal dang mi 'dra' ba'i rigs khyad par can rtags mtshan ci rigs dang bcas pa zhig ste sku chung ngu na bskyed de rang mgo thon tsam nyid nas spyir chos la thugs mos che ba khyad par rnga ba'i se dgon gyi bla grwa rnams la thugs blo lhag par spro ba sogs tshul de 'dra du ma'i rkyen gyis byis pa chung skyes 'di nyid se bla byang chub zer ba'i mkhas btsun bzang po'i mnga' bdag cig yod pa de'i yang sprul du grag go | |
de nas mi ring bar nyin cig chos skyong khyi gzugs kyi rnam pas byis pa de nyid khrid de se dgon gyi mgon khang sgor thon song ba la brten se dgon bla grwa yongs kyis sku bdag byas shing de nas bzung dgon der chos grwar legs zhugs kyis klog yig sogs slob pa'i sgo nas re zhig gi bar bsdad mthar sku skyes 'di'i khu bos khong nyid khrid de sad nag dgon du mgar klong gter chen bzugs pa'i mdun du phyin te thugs brtag lung bstan zhus pa na | gter ston nyid kyi zhal snga nas | sku skyes 'di 'dzam thang gtsang pa'i sgar du thon thabs mdzad na nam zhig 'gro don 'ong ngo | zhes gsungs pa ltar khu bo de nyid kyis rang gi tsha bo sku skyes 'di khrid nas 'dzam thang phyogs su 'ong skabs 'dzi sribs la thon pa na sku skyes ngang gi snang ngor dre'u dkar po zhig gis lam sna byed par mthong zhing de nas rim pas gtsang pa'i gzims khang du slebs tshe gtsang pa'i rdo rje slob dpon ngag dbang chos 'byor zhabs pa bzhugs bzhin gyi skabs yin pas der bla ma khong rang thugs slob rtogs pa can 'ga' yi snang ngor rang re'i rje bla ma gong ma skyabs rje mkhar ba'i yang sprul yin chog pa zhig sang nangs mor gzims khang 'dir byon 'ong ba'i thugs nyams byung ba ltar phyi nyin mo sku skyes 'di dang khu bo bcas der slebs byung ba rje bla ma ngag dbang chos 'byor zhabs pa gang nyid kyis thugs brtse ba'i sgo nas sku skyes 'di dgung lo bcu gsum gyi steng tsam na rdo rje'i slob ma mchog tu rjes su bzung ste sbyor drug gi sngon 'gro'i zab khrid legs par gdams shing lto gos chos gsum gang thad nas rje bla ma gang nyid kyis thugs 'gan bzhes te mtshams grwa ba gang dag dang mnyam du sku skyes nyid chos sgor legs zhugs byed du bcug nas rim pa bzhin du sbyor ba yan lag drug gi sngon 'gro