[A:267] 'khrugs pa'i sku'i snang cha ches gsal ba'i ngang nas mi bskyed pa'i sku mdog phyag mtshan sogs kyi dag pa rdo rje'i glu'i tshul du rang shugs su ngag nas nyams mgur sna tshogs pa dbyangs su 'then pa dang zhing khams der dngos su song nas bla ma mchog gi zhal nas gdams ngag gi gsung tshig mang po thos shing de don thugs nyams su bstar ba sogs rje bla ma gang gi rlabs zhugs pa'i nyams myong gi rtags mtshan ches mtha' klas pa zhig nges par byung ba'o | |
de nas dgung lo bcu drug skor sogs su gtsang pa'i sgrub grwar sku skyes nyid bzhugs skabs rje bla ma don ldan zhabs pas rdo rje slob dpon mdzad pa'i skabs yin zhing 'di skor thugs snang du mkha' 'gro'i rnam pa'i lha mo gnyis mkha' dbyings nas 'ong ba de gnyis kyis 'byung 'gyur sogs lkog gyur gyi gnas mang po ji skad lung bstan pa rnams don la thog khel du song ba mang rab cig rgyun par byung ba yod kyang bar mtshams shig nas cung mi legs pa'i bar chad kyi rnam pa de yang 'ong gin 'dug cing nyin cig tu mnyam bzhag la khong nyid bzhugs skabs khong ngag nas | ma bcos gzhi dbyings stong chen dbu ma'i sbubs | | zhes sogs lta ba'i tshigs bcad 'ga' rang shugs kyis mgur dbyangs kyi tshul du brjod rjes tsam na rang snang gnas 'gyur te g.ya' dag nam mkha'i mdangs kun nas gsal ba lta bu'i rang bzhin de nyid kyi gshis shig mngon du gyur nas de'i ngang du spros med mnyam bzhag gcig gis zhag bdun phrag gcig tsam 'das par gyur pa na rje rdo rje 'chang gnyis pa don ldan zhabs pa phebs nas khong gis gsung mgur gyis sku skyes mnyam bzhag las bzhengs bskul mdzad pas re zhig gi tshe sky skyes slob bu de nyid 'phar g.yo dang bcas pa'i ngang nas slar mnyam bzhag zab mo las nye bar ldang ba dang | yang nyin cig thun bar du sku skyes nyid kyis snod spyad nu ma can zhig gi nu ma 'phral du chad skad cig la slar 'byor bar mdzad pa'i lo rgyus gsal po bshad du yod la | rab kha bla ma'i drung du snga phyi ci rigs su sku skyes nyid kyis rgyud sde'i zab dbang sogs chos bka' du ma gsan | de skabs ci rigs par nyid kyis rta mgrin bsnyen mtshams mdzad skabs su thugs snang ngor phyogs shig nas rgyal gdon che bas cho 'phrul 'gyed de sgar chen gyi gtso bo gser zhwa ber gos rta dril khrol sding sogs kyi chas dang bcas pa can ches bzod dka'i 'jigs gzugs ngoms bzhin pa'i tshe 'tshe byed de'i lag pa ya gcig gi mgo sprul sku khong nyid kyi khar bcug pa'i mod de ma thag yi dam dbang chen gyi sku ri rab tsam gyi nga rgyal la gnas te zhal gyi so dag gis pha rol gnod byed kyi lag pa ches bsdams pas de nyid du lag mgo chad nas lus nang du song ba'i nyams snang shar ba bzhin de mtshams nas bzung zhag shas la sku skyes rang nyid khams cung mi bde ba tsam byung yang nyid cig kha nas khrag sha dum bu zhig bskyugs phan chad nas khams yar dwangs su song bas bar chad byed mkhan des glags ma rnyed pa sogs de ltar gyi rtags mtshan khyad par ba