[A:266] nas bzung zab chos skabs kyi nye bar mkho ba mtha' dag sku skyes nyid kyis zhus te nyams len dam pa gong ma'i phyag srol ji bzhin gyi rjes su zhugs nas chos gsan sgom gnad smin mdzad skabs sdom pa dang dbang thob pa'i dus kyi mtshan ni ngag dbang kun dga' phun tshogs zhes bya ba yin la | de ltar bla mas ji skad gdams pa bzhin sku skyes rang gis sngon 'gro 'bum lnga cha tshang | bar gyi sngon 'gro rnam gnyis | dngos gzhi sbyor ba yan lag drug po rnams lo gsum gyi ring nyams bzhengs mdzad pa'i skabs su lam rang rang gi dus rnams su sku skyes 'di rtsa khams shin tu dwangs shing lam rtags rmi nyams sna tshogs dang mthong nyams stong gzugs kyi rnang ba mtha' klas pa ches mched pa zhu ba bde khyad par ba dus dus su myong ba'i sgo nas sngon goms phun sum tshogs pa'i shugs nye bar mngon pa khyad par 'pho ba sbyang skabs su sku skyes rang gi thugs snang nam mkha'i dbyings nas thig le dkor 'od sgor ba shar ba de'i dbyings su ro mnyam su zhugs te dbyer med du thim song ste dbyings rig 'dres pa'i ngang de ka nas thugs dbyings su 'pho tshad pa yang yang byung rkyen 'pho ba sbyang ba'i mtshams re zhig bzhag dgos byung la 'di skor khong la 'pho nyams thon tshabs che bas rang rang gis 'pho ba sbyang ba bzhag kyang gzhan dag gis 'pho ba'i ngag 'don sgra dang phaT sgra rna lam du thos pa tsam gyis sku skyes khong rang dbyings rig gnyis med du thim la khad du 'gro ba sogs thugs kyi nyams myong sgo gang thad nas rang dang na mnyam dag las zla dang bral ba'i mtshan snyan cir yang byung la | de skor rnams su rje bla ma rdo rje 'chang mchog gi drung nas sku skyes nyid la sbyor drug khog gi chos bka' gang dgos thams cad gzhir bzhag gi steng du rje btsun tAranAtha'i bka' 'bum las byung ba'i sgrub thabs rin chen 'byung gnas yongs rdzogs kyi dbang bka' mtha' dag legs par thob cing | gzhan yang de dus su rtogs pa'i dbang phyug rab kha bla ma don ldan zhabs pa dang yal 'go'i bla ma rin chen bzang rnam gnyis kyi mdun nas yang sku skyes 'di nyid kyis nyams len 'dri gtugs zhib tig legs mdzad kyis nyid la nang gi nyams rtogs na cher 'phar te bogs bskyed ha cang thon pa'i rkyen che bar gyur to | |
de dag las sku skyes 'dis sbyor drug nyams len gyi mjug ma rdzogs pa'i mtshams shig nas rje bla ma ngag dbang chos 'byor zhabs pa sku dag zhing du phebs par chas tshe khong gis chos khrid kyi mjug rdzogs par byas te sku skyes 'di la nam zhig gtsang pa'i pho brang du khyod yun ring du 'dug nas bstan 'gro la phan pa 'ong tshul gyi bka' lung gsal pa bcas nab 'gags sogs kyi gnang sbyin yang mdzad nas de rjes bla ma rdo rje 'chang nyid sgrub grwar phebs te mi ring bar dgongs pa chos dbyings su thim pa'i mdo sku skyes nyid la 'phar g.yo rgyun du thun mtshams med par 'ong zhing thugs snang la bla ma rdo rje 'chang de nyid shar phyogs mngon dga'i zhing du byon bzhugs kyi snang ba gsal bo dang zhing de'i gtso bo rgyal ba mi