[A:269] sku 'di nyid la dbang chen herukas byin gyis brlabs pa gling gi rje bo khro thung dang rdo bla'i sku phreng du byon sku bar phun tshogs 'byung gnas sogs sngon byon skyes chen mang dag gi sku phreng rim pa du ma'i che bsngags mdzad pa dang dpa' bo chen po'i sngags rig 'chang ba gang dag gi drung nas zab mo'i gsang bka' ci rigs pa'ang sprul skU 'dis legs gsan mdzad pa'i tshe gsang mtshan la pad ma dbang drag rtsal tu me tog nye bar phog pa yin la | 'di skor snga phyi ci rigs shig nas nang rtsa thig gi mthu shugs sngar las rgyas shing thig le yar 'dren dang gsang ba sbubs su nub pa sogs bar bar byung bar brten las rgya'i kun spyod re yang nyid nas mdzad pas spyod pa mi mdzes pa sogs kyis gzhan dag gis rma 'bebs pa'ang byung bas de lugs kyi phyi nang gi kun spyod yin lugs mtha' dag sba gsang mdzad par rje lung rtogs bstan pa'i mnga' bdag rdo rje 'chang ngag dbang tshogs gnyis rgya mtsho'i sku mdun du sprul sku nyid kyis ji bzhin drang por legs zhu mdzad bzhin rang gis bya ba ga 'dra dgos tshul bka' pheb dgos par nan zhu dang bcas rje nyid sprul sku rang gis spyi bo'i gtsug tu legs bkur gyi sgo nas gsol ba btab tshe rje bla ma mchog gis | da lan khyod kyi rtogs pa'i tshad 'di la spyod pa rang sar skyong ba las bkag 'gog mi byed ces gsung ba ltar re zhig de ltar bskyang bzhin gtsang pa se sprul gang nyid gzims khang du bzhugs pa'i drung du rnga yul nas kos bla ma 'od zer phebs pa la sprul sku khong gis chos skyong khyab 'jug chen po'i gzugs mngon sum du gsal bar bstan zhing | 'di skor 'dzi stod phyogs kyi ba g.yag mtsho nang du dus kyi 'khor lo'i chos skor yod pa'i gter sgrom zhig dang rje btsun sgrol ma'i sku brnyan khyad mtshar can gyi gter kha yod pa'i kha byang sprul sku nyid la bab nas de lugs kyi bstan 'gro'i don zhig 'ong nye yang dgun dus su khong mtsho khar phebs nas slar mtsho dar rang zhabs de gar bsdad pa sogs kyi legs mtshan re byung ba ma gtogs de phan bya gang yang ma 'grig pas 'gro don de lugs bzhin gyi mdzad sgo ma byung zhing 'di skabs dgung lo sum cu'i nang skor zhig nas gdung yangs bla ma smon lam bzang po pa sprul sku nyid la rten dge slong dgos pa'i bka' phebs byung bar brten tshul de mthun gyi bka' nyid kyis legs sgrub bcas bsnyen rdzogs kyi sdom pa zhus te lo 'ga' zhig gi ring rten dge slong kho na'i spyod pa la gnas bzhin bar bar gdul bya re mdzad pa ma gtogs gtso bor rang gnas gzims khang dang tsang pa sku 'bring gi ri khrod 'og ma sogs su rgyun bzhugs lta bu mdzad nas sgrub pa la rtse gcig lhur len gyis bzhugs dus su bar bar mnyam bzhag la yun ring 'byams nas sku lus g.yo 'gul dang bral bar ring du son pa sogs la sku mdun pas bskul brda byed dgos yang yang byung zhing 'di skabs rnams su bar bar rang gis nyams rtogs 'dri gtug gi ched ri khrod gong mar rje rdo rje 'chang 'dzam ngos bla ma kun