[A:272]
de nas dgung lo lnga bcu skor du spyir na gtsang sprul 'di'i sku chas gzims gnas sogs la chos skyong gza' rgod me stag gi rnam pa dus dus su rang gzhan rnams kyi mthun snang du rgyun mi chad pa nges par byung ba sogs kyi mdzad sgo gzhir bzhag gi steng nas 'phrin las kyi mdzad tshul gzhan ma yang 'di lta ste | nyin cig 'dzi ka'i stod phyogs tsha kha'i brag dmar dgon nas bla ma nus ldan zhig glo bur bor song ba'i don la gzhan bla sprul du ma gdan 'dren de'i khyim tshang gis byas nas thugs brtag zhus na thams cad kyis bla rgan bor ba de nyid gson po yin chog tshul tsam las gsal bar thugs thag gang yang ma chod pa'i skabs su gtsang sprul 'di nyid drangs nas khong gis de lugs kyi thugs brtag mdzad pa na bya spu 'geb cig gi 'og na bla rgan dpyang yod tshul gsal bos shi thag bcad nas de lugs gshin chog mdzad cing yon 'bul bag tsha ba med par blangs nas de ltar thugs thag bcad pa ji bzhin rjes sor thog tu khel te nags shig gi 'og nas bla rgan gyi ro rang gis rke 'gegs bzhin pa mngon gsal du rnyed pa dang | yang bar skabs shig tu gtsang pa 'di grwa 'khor bcas mi lnga ba'i tsho sde'i 'brog ri zhig tu gdul byar phebs skabs der mi khyim zhig gi bza' mi a lco zer ba kho rang yul du song nas ring zhig 'gor song ba ci yin cha ma phyed pa'i skabs gtsang pa grwa 'khor mi khyim des gdan 'dren byas te thugs brtag zhus tshe khong gis shog 'gugs mdzad skabs kyi thugs snang ngor lung pa zhig gi nang du a lco de nyid kha khyim phyogs su 'khor nas lwa ba dkar po zhig gon bzhin nyal ba'i ngang nas shi song ba zhag mang lon te da lan ro de bya khyis ma zos kyang 'bu mang po lus la zhugs nas nang khong stong ba tsam du song yod pa sogs de'i gnas tshul ji bzhin pa thugs nyams gsal snang du mngon sum mthong ba bzhin byung ba de lugs ltar nyid kyis mi khyim de la zhib rgyas su gsung ba'i sgo nas slar yang gshin chog kyang gzab ldan mdzad de yon 'bul dogs pa med par legs bzhes byed pa de ji lta ba bzhin phyis su mi ro legs par rnyed byung bas yul sde de phyogs su mtshan snyan sngar las cher rgyas su song | gzhan yang bud med khog tu byis pa yod bzhin shi song ba 'ga'i sngas mgor gtsang pa 'di phebs skabs rnams su'ang rnam shes ma bu gnyis kyi rnam pa gsal bo thugs snang du byung bas mi khyim sbyin bdag gis gnas tshul gsang bar byas kyang sprul sku khong gis ji bzhin mngon shes kyis gzigs pas gsang thabs med pa yang yang byung ba sogs de 'dra ches mang gi lo rgyus yod |
'di skor nas bzung khong gis sngags 'chang mchog gi brtul zhugs spyod bzhin dbang chen heruka dang gnyis su med pa'i tshul gyis 'gro phan dang khyad par sa bdag gtad sprug gi gto sgrub sogs kyi sgo nas drag po mngon spyod kyi rnam pa gtso bo dang gshin po rjes 'dzin gyi mdzad sgo sogs gang la gang 'dul gyi bstan 'gro'i don gyi phan pa rlabs po che sgo nas rgya che ba mdzad pa las rang re'i dgon