[A:273] lag rnga yul gyi se dgon pa'i chos sde la srung rim ched gtsang pa khong grwa 'khor bcas legs phebs mdzad de dgon der gtsang pa 'khor bcas kyis sa bdag gtad sprug gi gto sgrub zhag bdun phrag tu mdzad skabs nyin gsum pa'i dus na spyir de skabs char chu dkon zhing gnam thang gi dus yin glo bur du dgong mo tsam nas nam mkhar skad cig la sprin nag ches rngam zhing zil che ba 'brug sgra glog zhags kyi snang bas yid gzengs par byed bzhin pa'i ngang nas drag po'i ser rgod rba klung gi rnam pas sa gzhi ri lung kun shugs chen pos mnyam par brdal ba dang chabs gcig gnam lcags zhun ma'i char dbal zur rno ba mi bzad pa bdun phrag tsam skad cig la lhung bas se dgon pha rol gyis gtad du bcug pa'i sa gnad rten sogs gting nas dkrugs shing brlag par mdzad pa'i mtshan rtags grags che ba der gnas kun gyi mthun snang du bsnyon med byung |
de 'dra'i tshul gyis nyid dgung grangs nga gsum skor nas bzung lo du ma zhig ring gtsang pa 'di nyid kyis phyogs rnams su phebs bzhud kyi sgo nas mdzad chen gzhan gyi gnang sgo yang skabs shig tu gtsang pa dpon slob rnga yul 'brog dge dgon du phebs nas der 'brog sprul 'jam dbyangs mkhyen rab rgya mtsho'i zhabs brtan la khong gis yi dam rta mgrin gyi gto zhag gsum mdzad pas pha rol bon phyogs kyi gzhi bdag gi 'og na mnan gtad yod pa me dpung chen pos gzhi bdag de nyid gzhob tu btang ba'i sgo nas mnan gtad de nyid gting nas dkrugs bzhin mthil 'don du mdzad | de nas rnga ba'i rtsi nang dgon du gtsang pa dpon slob kyis gtad sprug mdzad pas dgon de la gnod pa'i klu gtad cig legs par len nges kyi dge mtshan byung zhing de rjes a dpa' dgon gyi bsrung rim la gtsang pa grwa 'khor gyis yi dam rta mgrin gyi sgo nas legs phan mdzad skabs nyin cig khong gi zhal snga nas | rang gi sngon gyi skyes rabs kha ba can du bod rgyal gyi thog ma gnya' khri btsad po | gu ru pad ma'i zhal zin lha sras me khri btsad po | khra mo gling du stag rong khro thung rgyal po ste bstan la phan pa'i rgyal po gsum dang | rgya nag yul du sdig gzugs ta si | skong yul stod du shan pa bzang ldan | lha ldan phyogs su shan pa kun rgyal te bsad pa 'dren nus gsum dang | rgyal rong dpon bla snying po snang mdzad | rdo yul gyi grub chen kun bzang gzhan phan | snying thig gi bstan pa'i srog 'dzin phun tshogs 'byung gnas te bstan 'dzin skyes bu gsum sogs sngon byung sku phreng bzhi bcu tsam dran tshul dang de lugs ltar las rags rim tsam gyi sku phreng gsol 'debs re yang gsung rtsom yang mdzad | de skabs rta mgrin sbyin sreg gi las sbyor gyi dus na der gnas dag gi mthun snang du hom la me dpung rang 'bar mngon gsal gyis byung bas kun snang ba ha las pa'i ngo mtshar skyes shing yul de phyogs kyis gtsang pa la mtshan snyan sngar las ldir bzhin dge mtshan gyi grags pa rgya cher song |